En el empesijo del anyo 2023, el sud de la Turkiya se meneo kon un grande terremoto en Kahraman Maraş, Hatay i otras sivdades. Miles de personas peryeron la vida, las kazas se derrokaron i muncha djente kedaron sin kazas.
Malorozamente fue una desgrasya.
Durante todo el anyo uvo golpes militares en la Afrika.
La gerra entre la Ukranya i Rusya kontinuo el anyo entero.
Finalmente la gerra entre Israel i Hamas provoko grandes debates i protestos en el mundo entero.
En el anyo 2023, uvo munchos dezastres naturales, gerras i muevas deskuvyertas. Las fotos ke vinieron de la gerra, atristo a todos.
Los 10 evenementos emportantes del anyo 2023.
La gerra entre Israel i Hamas. El 7 de Oktobre, en la fyesta de Sukot, shabbat demanyana, los komandos de Hamas entraron a Israel por Gazza i izyeron un masakro en una lokalita de la frontyera, ande aviya un festival de muzika de 1200 personas ke asistyeron del mundo entero.
Siviles de todas las edades fueron matados de una manera barbara, los bebes fueron kemados en los ornos, fuyeron 240 personas, entre eyos bebes, aedados i munchos mansevos ke los yevaron a Gazza.
Un terremoto desgrasyado en Marocco ande 56.000 personas se muryeron.
La intelijensya artifisyal esta ajitando Hollywood.
El rekor de la temperatura i munchos fuegos… Entre el sejen fina el dyezen mez, la temperatura fue la mas kaloroza rejistrada al nivel mondial. Estas temperaturas provokaron sekuras, fuegos grandes i tempestas fuertes.
En Kanada uvo un fuego muy grande ande se kemo un espasyo muncho mas de 18 milyones de hektares. 200.000 personas desharon sus kazas i se fueron a otros lugares.
Munchos fuegos en Hawaii, en Gresya i munchos muertos.
Azerbaydjan en el 19 de septembre izo una operasyon a Karabağ ke es un lugar yeno de montanyas. Azerbaydjan tomo el kontrol total de Karabağ.
Arjentina ke es un paiz de la Amerika Latina, un ekonomisto ultra liberal, “Javier Mile”, gano las eleksyones.
El tyene 53 anyos. Un politiko ekstraordinaryo Milei, dirijo unas eleksyones kon una syerra elektrika. El se izo konoser komo un leon. Disho ke se va ir al referandum para derrokar la ley del kurtaj.
Los dezeos de refujyo de Turkiya a la Almanya pujaron de 74%. Las demandas de refujyo de la Turkiya a los otros paizes pujaron mas de 100%. La Almanya tyene el buto de kolaborar kon la Turkiya serkamente. El numero de personas ke entran illegalamente a la Almanya desde Turkiya pujo de 255%.
El rey 3. Charles fue koronado en la seremoniya selebrada el 06.05.2023 en Londres, ke es la kapitala de la
Ingleterra. Todo el mundo, milyones de personas vyeron esta seremoniya.
En el 10 septembre uvo en Libya inondasyones i 3.000 personas se muryeron. La rotura del baraj engrandesyo el dezastre. Se deklaro tres dias de dolyo en el paiz.
En Sudan uvo una gerra sivil i esto kavzo la muerte de 10.000 personas.
El ultra derechisto anti islamiko “Geert Wilders” gano las eleksyones Holandezas.
Dezastre de boda en Irak a kavza de un fuego, ke kavzo la muerte de 113 personas.
El anyo 2023 fue un anyo muy difisil. Esperamos ke el anyo 2024, sera un anyo yeno de salud sin hazinuras, repozo, felisidad i kerensya en el mundo entero, sin gerras i sin dezastres naturales. Amen…
