nase este ijo se tyene ke murir el otro, ijo ke teniya aedado de dos anyos.
Vyendo Paro ke la profetizia de Yosef se firma, se konvensyo mas muncho de la verdaderiya de la soltura del suenyo, i konsejandose kon los grandes de su reynado, lo nomino a Yosef Grande Ministro i patron de toda la tyerra de Mistrayim i le dyo todos los poderes en su mano para ke rijga su governo sigun su pareser. Yosef se asento en siya de reynado kon muncha onra. Fue kerido i amado en ojos de Paro i de todo el puevlo i le dyo Paro a Asenat, ija de Potifera, de la sivdad de On por mujer. Entonses teniya Yosef 30 anyos.
