Esto mirando al espejo,
I ke esto vyendo?
Una persona tuaf
Ke no puede ser yo.
Porke yo so muncho mas manseva
I no tan godra komo la del espejo.
Esto mirando i mirando
Ande están los espejos ke uzava a mirar
Komo los ke aviyan aze anyos.
Agora todo troko
I por seguro ke van a akseptar
Ke los espejos de oy
No son komo los de muestro tiempo.
Los muestros eran otra koza.
No te merekiyes si se ven rugas
Agora se una koza ke es muy klara
Ke no tengas komplekso de no tener perfeksyon,
Porke son los Espejos
Ke deven de tener koreksyon
I no Tu..
