“Suna Kan” nasyo en el anyo 1936 en Adana. Su padre era un artisto de viyola “Nuri Kan” en la Orkestra de Senfoniya de la Prezidensya. Kuando teniya 5 anyos, se ampeso a ambezar de su padre el violin i despues tomo lesones privadas.
Eya gano los egzamenes del Konservatoryo del Estado de Ankara i dyo su primer resital en 18 avril 1946 en el Konservatoryo del Estado de Ankara en el salon de konsertos.
A kavza de este resital ande ekspreso el konserto de “5. Violin de Mozart”, eya gano el titolo de la “Chika Maraviyoza”.
Tomo una burs del governo i se fue kon su famiya a Paris.
Lavoro kon Gabriel Bouillon, termino en 1952 el konservatoryo komo primera de klasa.
Eya gano el Premyo komo primera en el anyo 1955 en la kompetisyon de “Viotti”, gano en Münich en 1956 el premyo de sigunda i torno en 1957 a su paiz, la Turkiya.
Estuvo sitada komo artista solista en la Orkestra de Senfoniya de la Prezidensya. Se kazo kon un muzisyen i un kritiko muzikal. Eya tyene un repertuar muy ancho.
“Suna Kan” dyo munchos konseres reushidos en la Evropa entera, tambyen en los paizes de la Asia i Afrika. Komo enterpreta salyo a las turnes kon la orkestra en la Turkiya.
Lucho muncho por el rekonosimyento i difuzyon de la muzika universal. En el anyo 1971 gano el titolo de: “Artista del Estado”.
Entre los anyos 1977-1986 fue la pionyera en el establisimyento de la “TRT Ankara Oda Orkestrası” i fue la violonista prensipal i la solista prensipal.
Izo una grande kontribusyon al arte turko.
En 1988 estuvo komo ambassadora en la Ungaria.
En 1996 gano “la Medalya de Oro de Onor”.
En el anyo 2017 estava sufriyendo muncho, por esta kavza aviya dicho: “Serri el kuti de mi violin, asta ke me va ir de este mundo”. Los ke la keriyan byen se attristaron muncho de no pueder topar la solusyon para su hazinura.
“Prof. Suna Kan” peryo la vida a 87 anyos, (z"l). Estava luchando kon los problemes de salud durante anyos largos.
Ke su alma repoze en gan-eden.
Konosida, famoza i muy reushida en el mundo entero, “Prof. Suna Kan” era una virtuoza de violin muy spesyal de Turkiya.
