Kuando Israel se establiso por la primera vez komo un estado independente en 1948, su populasion konsistiya solo de unos sienes de miles de personas. Oy la populasion es 9,727,000. Todos los judios ke biven en el mundo entero, tienen el derecho de emigrar a sus patriya un diya si lo dezeyan.
En Israel egziste emportantes templos de las relijiones judia, kristiana, muzulmana i bahai. Malgrado ke no ay abondantes manaderos naturales, Israel se konvertio en un lider mondial en siensia natural i en la konservasion de rmanaderos naturales limitados. Israel fue el uniko pais del mundo ande el numero de arvoles pujaron en 2000, en komparezon al anyo 1900. Aunke el 2 por sien de la tierra estava kuvrida kon arvoles en 1948, esta proporsion pujo a 8,5 por sien oy en diya. En 2023, Israel aparto 7 miliones de dolares por la forestasion.
Israel es el lider mondial de la teknolojiya i la konservasion de agua. Mas de 90 por sien de sus aguas suzyas son retornadas para ke seygan empleyadas en agrikultura. La teknolojiya de goteo, ke se empleya para kultivar kon poka agua, es un envento israelieno. Mueve de kada diez kazas empleyan enerjiya solar para kayntar la agua.
El revenido nasional por persona es 43 mil dolares. Israel, es el lider mondial de la alta teknolojiya i la investigasion. Israel gasta el 5% de su revenido por innovasion. Israel es konosido en el mundo entero komo el Estado de Start-Up, grasias a su kultura innovadora i a las kompanyias de Start-Up ke estan pujando de diya en diya.
La aplikasion popular de navigasion Waze i Mobileye, ke es sostenida kon intelijensia artifisial, i ke se empleya en otomobiles sin konduktor, son innovasiones israelianas. Ay 6.000 kompanyias de Start-Up solo en Tel Aviv.
Israel es el proprietario de kaza de los sentros de munchos grandes teknolojikos komo Intel, IBM, Google i Microsoft. Despues de China i de USA, Israel es el pais ke tiene el mas muncho miembro kompanyias en el merkado de valores Nasdaq.
En el mundo entero, Israel es el pais kon mas munchos sientifikos i enjenieros. En kada diez mil abitantes, los 135 son sientifikos o enjenieros. Ay muy poka kriminalidad en el pais. La Kupula de Fierro, el sistema de defensa aerea ke salvo innumeravles personas, fue enventado por la Fuerza Aerea de Israel. 45 por sien de la populasion ke tienen empleyo laboral tiene un titolo universitario.
Kuatro universidades estan entre las 100 mijores universidades del mundo: la Universidad Ebrea, la Universidad de Tel Aviv, el Instituto de Siensias Weizmann i la Universidad Teknion. Israel tiene munchas kontribusiones en el kampo de la eksplorasion espasial, embiyando munchos satelites al espasio en kooperasion kon NASA.
Las tomates cherry se enventaron en Israel. Israel gano 13 medalias olimpikas aunke tiene una populasion chika. Israel gano i este kontinuando a ganar munchos premios Nobel. Tel Aviv es la ochena mijor sivdad del mundo. Israel tiene un sistem avansado de salud. Los abitantes tienen munchas kreaturas. En Israel, se envento la makina Water-Gen, ke obtiene agua potavle de la atmosfera. La organizasion 'Save a Child's Heart' de Israel, realiza operasiones kardiakas sin pagar a las kreaturas del mundo entero.
