Moiz era un buen produktor de filmos.
El era un poko inyervozo i kuando travava los filmos era mas inyervozo. Dingunos no le puediyan avlar.
El estava travando un fimo en el Bosfor.
No estava puedyendo azer nada de lo ke estava pensando, i esto lo estava azyendo mas aksi de lo ke era.
Akel diya un ombre mansevo se aserko de la kamera i tentó de mirar. Moiz ampeso a gritar:
- Ken es este? Ke esta azyendo al lado de la kamera?
El ombre se aserko de Moiz i le disho:
- Yo so muy merakli de filmos. I esto kuryozo de ver por una kamera. Es ke me permetes?
Moiz le disho:
- Ke echo azes tu?
El ombre le disho:
- Yo so JINEKOLOGO
Moiz le disho:
- Bre ombre, es ke te plazeriya ke yo te demande de ver a tu kliyente la ora ke tu la estas kontrolando?
