Vini Ermanos keridos,
En la suka mos asentaremos,
Endjuntos mos alegraremos
Kada noche resiveremos
Uno de muestros padres onoraremos
Komo el buketo de Lulav atados
Ansi seremos siempre aunados
Riko, prove, chiko, grande
Savyo, potente o inyorente
Todos somos amados
En el mizmo rango kontados
Por el Santo Kriyador
Dio de Pas i amor
Sukot alegre tendremos
Invyernada buena auguraremos.
Not: Ya savemos ke kada noche de Sukot abashan del Gan Eden a la Suka, muestros syete padres de la Ley, akompanyados de sus espozas para darmos fuersas i enerjiya. En siertas komunidades era de uzo de resivir sembolikamente el vijitador kon su espoza. Por egzemplo: “Baruh aba Avraam Avinu ve Sara”. Kada uno de muestros padres es atado a una sefira.
Avraam – Buendad
Yitzhak – Fuersa
Yaakov – Ermozura, Splendor
Moshe – La eternidad de la Tora
Aaron – Fuersa Splandor
Yosef – La Baza Yesod
David – Reynado de la Shehina en el Mundo
Hag Sameah Sukot Alegre.
