Dr. Selim Yeoshua Salti, despues de anyos de investigar i arekojer estorias i anekdotas de Djoha, los izo en livro muy valutozo, kon el nombre de "101 Anekdotas Modernas de Djoha". La palavra "modernas" es bastante importante porke el Djoha ke vemos en este livro no es el Djoha de al tiempo ma es el Djoha de muestros tiempos.
El livro tiene 101 anekdotas, todas eskritas en 3 linguas: Judeo-Espanyol, Espanyol i Inglez. Esto le va dar al livro una vizibilidad mas ancha en el mundo entero.
Keremos felisitar al Sr. Salti por su ermozo lavoro muy valutozo i por su kontribusion a muestra erensya kultural, ke es inigualavle en la arena del UMOR. Siempre estaremos riyendo!
El livro se va pueder merkar de muestro sitio: www.istanbulsephardiccenter.com i tambien en el sitio de Gözlem: www.gozlemkitap.com.tr
