Silva Filiba
En Elul ya entrimos
Al mez de Rahamim ayegimos
A los Diyas Santos mos aserkimos
Kamino de Selihot tomimos.
+++
El shofar ya sonó
De las alturas mos yamó,
Muestros korasones espertó
El pasado mos kontó
Muestra misyon mos akodró.
+++
Avraam Avinu se mostró
Sus orasyones se oyó
Komo a su Kriyador alavó
Ke a su ijo lo rihmiyó
I del kuchiyo lo eskapó
+++
Viní endjuntos bendizeremos
Al Dio Santo arogaremos
Anyada buena tendremos
De todo mal eskaparemos!
