Los israelianos no konstruyen islas en forma de palmeras, o oteles karos, i sus dirijentes no konduizan otos mostrozos. El orgolyo del Estado de Israel es ke sus teknolojiyas estan disponivles para toda la umanidad:
1. La Universidad de Tel Aviv esta en proseso de developar una vaksina nazal ke va protejar las personas de Alzheimer i de paralizia.
2. Teknion, Instituto de Teknolojia en Haifa developo una analiz de sangre ke va pueder detektar diferentes tipos de kanser.
3. El Sentro Iklov en Tel Aviv developo una proteina ke no va ser mas menester de kolonoskopia. Kon una analiz de sangre se va pueder detektar el kanser de kolon. El kanser de kolon esta matando unas 500.000 personas kada anyo.
4. El akne no mata dingunos, ma provoka anksiedad i insatisfaksion en los mansevos. Curlight Lab kreo un remedio ke va ekspandir los rayos UV i va destruir las bakterias de akne sin kavzar komplikasiones adisionales.
5. El laboratorio de fotografias de Given developo una kamera en forma de pastiya englutida ke va travar miles de fotos del sistema dijestivo. Estas fotos de alta kalidad va pueder detektar polipes, kanseres i las fuentes de sangre. Las fotos se van a embiyar a un chip ke las va guadrar i las va embiyar a una komputadora. A la fin del proseso, la kamera se va eliminar.
6. La Universidad Ebrea en Yerushalayim developo un neuroestimulador elektriko implantado en el puerpo de los hazinos de Parkinson. Las emisiones de este aparey van a blokar los sinyales neuronales ke provokan tremblamyento.
7. La golor del suluk del hazino puede detektar si el hazino tiene kanser de pumon. El Instituto Russell Berrie de Nanoteknolojia developo sensores ke pueden detektar i rejistrar 42 biomarkadores ke endikan la prezensia de kanser de pumon sin biopsia.
8. En jeneral, se puede ezvachearse del kateterizmo. El endopatologo es un aparey enstalado entre el dedo ke puede ver el estado de las arterias i ver de antes la probabilidad de enfraktus en 7 anyos.
9. La Universidad Bar Ilan esta lavorando en un muevo medikamente ke va gerreyar kon los virus a traves la sangre. Se yama Vecoy Trap. Este medikamente va ser muy util para kombatir la hepatitis i el futuro Sida (AIDS) i Ebola.
10. Sientifikos israelianos del Sentro Mediko Hadassah en Yerushalayim developaron el primer tratamiento para la sklerosis lateral amiotrofika, konosida komo la hazinura de Lou Gehring, un rabino ortodokso. Stephen Hawking, un famozo sientífiko britaniko, teniya esta hazinura i utilizo los metodos inventados por sientifikos israelianos.
El mundo no deve solo kompartir negros haberes. Enformasion komo esta es nesesario i deve de salir en medio para ke ayga un poko de esperansa en muestros korazones.
