Avram Mizrahi
Ladino ,en Cudyo komo lo yamava mi Nona ke este en Gan Eden ,ez el Robin Hood de las linguas rikas i da a las linguas kon mankuras .
No amostra ninguna demanda para tomar un musafir muevo a kaza, les da kama i dezayuno debaldes,sin se estracherse ,de ande viyene esta palavra estranjera .En egzempiyo ; dainda no aviya el uzo de la palavra tenedor ,se toma de la lingua grega la palavra piron ,i kuando en el kavzo de la palavra sintiya se toma la palavra de la lingua turka karpuz i ansi kuando la palavra domingo le puncha ,esta vez de la lingua araba alhad.
Kuando demandan a un avlador de Ladino ,kuantas linguas konoses ,la repuesta ez ; diyez linguas ,todas en Ladino.
