SHAVUOT

Judeo-Espanyol
9 Haziran 2022 Perşembe

De Pesah ya salimos

A Shavuot ayegimos

Kada paso ke echimos

Del Sinay mos aserkimos

El Omer ya kontimos

Kada noche bendizimos

Lag Baomer fiestimos

Bar Yohay kantimos

Miles de anyos paso

Dingunos nunka se olvido

Del mesaje ke mos dyo

El Kriyador a todos yamo

I solo Israel respondyo

En la ora de revelasyon

El Monte mizmo se enkorvo

El Mundo entero tremblo

Dingun pasharo no bolo

Solo el Shofar siempre sono

I la boz de Muestro Sinyor

En el sielo se afirmo

“Yo so vuestro Dio

Ke de Ayifto vos salvo”

Lo ke tomimos daremos

A kada jenerasyon akodraremos

Los preseptos de verdad

De muestra Santedad

Shavuot kon alegriya fiestaremos

Enveranada buena teneremos

 

SILVA FILIBA

Siz de yorumunuzu yapın

Tüm Yorumları Görün

İLGİLİ HABERLER

İLGİNİZİ ÇEKEBİLİR