UNA PIEDRITA MUY TRISTE

Eya ermoza, eya amavle, eya noble, enstruida, pozitiva, dulse, artista...

Forti BAROKAS Judeo-Espanyol
9 Haziran 2022 Perşembe

No abasta las ojas para eskrivir sus kualidades. Ma la vida es muy barata i sin piadad. De oy a amanyana no savemos lo ke mos va afitar. Amiga de anyos i partajimos lisyones i konseres en el koro sefaradi, “NES”, kon un mesaje me anunsyaron su muerte ke dainda no me kero kreyer. 

Esti Saul era una pintora. Eya empeso a pintar kon Neşet Günal en el anyo 1955. Entre 1986 i 1997 kontinuo sus estudyos de pintura en istorya del arte, kon los profesores de la universidad Mimar Sinan,

Gökhan Anlağan, Yusuf Taktak i Özdemir Altan en el Muzeo de Pintura i Eskultura. Tuvo munchas ekspozisyones seya en Estanbol seya en paizes Evropeos. Esti Saul lavoro en munchas ovras voluntariamente. Kreyo ke fue un merito del Dyo, esta manera una muerte. Esta manera puedemos topar konsuelo ke no travo i no dyo pena a dingunos. Todas mis kondoleansyas a su famiya. No mos vamos a olvidar de ti, kerida Esti i la primera kantika ke vamos a kantar sera para ti. Ke su alma repoze en Ganeden!

 

 

Siz de yorumunuzu yapın

Tüm Yorumları Görün

İLGİLİ HABERLER

İLGİNİZİ ÇEKEBİLİR