Lo ke mos konta Steven Spielberg i su primer filmo muzikal en 2021 WEST SIDE STORY

Esti SAUL Judeo-Espanyol
25 Mayıs 2022 Çarşamba

“En 1957, yo tenia 10 anyos. Mis parientes tenian el album del show de Broadway.

Era mi primera emosion. Sinti un plazer inkreivle. Era mi primer muzikal i en solo dos semanas me ambezi las kantikas.

No fue para mi difisil de preferar West Side Story. En mi kariera, apresyi el filmo West Side Story, realizado i dirijado por Robert Wise, djuntos kon Jerome Robbins, en 1961.

Paso 60 anyos. Los amantes de sinema no se olvidaron de la realizasion maraviyoza de Broadway.

Malgrado ke mis amigos se burlaron de mi, kije amostrarles ke no so loko. Poko de eyos me apoyaron. Kate, mi espoza, portanto, fue la sola ke me dio el koraje de realizar mi primer muzikal. Ansi ke Kristie Macosko i Tony Kushner.

No puedo kantar ni baylar, ma kuando esto en el set, so muy impresionado, orozo i no puedo detenerme de dar saltos, realizando de kerer krear una version mueva de West Side Story.

Kon mi inspirasion, pensi ke no era razonavle de realizarlo sin los aktores Latinos.

Ariana DeBose en mi filmo enkarno El rolo de “Anita” i gano el Oscar de la mijor aktrisa.

Desde E.T., este filmo ke realizi es el mijor, ansi ke Salvar el Soldado Ryan. Estos tres filmos me dieron satisfaksion grande. Sin olvidar otruno, Porgy i Bess, mi preferado...”

***

Te rengrasiamos, Steven Spielberg, por tus performansas artistikas, tu buto de ermozeyar el mundo, ambezar i amar el djudaismo i pushar los mansevos a no olvidar la realidad triste del Olokosto, kon Schindler’s List, un filmo remarkavle.

Sin duda, mos ermozeyo la egzistensia en ofresiendomos las realidades artistikas.

Felisitasiones!

Spielberg resivio, entre tantos premios de Hollywood, un muy prestijiozo premio, el premio GENESIS de ISRAEL.

Siz de yorumunuzu yapın

Tüm Yorumları Görün

İLGİLİ HABERLER

İLGİNİZİ ÇEKEBİLİR