Yo, no kero solo ke me ames
Ke me dezees
Ke me tokes
Ke me sientas….
Kero ke entiendas
Ke la vida es un pasaje, un sonyo
Kero ke te alevantes en la manyana
Kon alegriya, kon plazer
Para oyir los pasharos
Para goler los perfumes
Para bivir las sezones
Para gozar en el kamino de tus dias
Para pasear deskalsa en la playa
Para dar un brio a tus ojos
Para bolar verso tu futuro
Para enkontrar las personas eksepsionales
Para simplifikar lo ke es komplikado
Debarasate de tu reputasion, de tu orguyo, de tu obsession
Antes su evaporasion.
