1. Zelensky tomo una edukasion judia sovietika ordinaria. En el 75en aniversario de la liberasion de Auschwitz, kuando estava vijitando Israel, en una entrevista disho ke su famiya no eran relijiozos porke la relijion no egzistia en el estado sovietiko. La obzervansia judia era ilegal ma munchos judios konservaron algunos elementos de sus identidad judia komo aktos de rezistensia. Ma, el no avlo por su famiya. “Nunka avlo de relijion i nunka avlo del Dio porke tengo mi propia opinion personal sovre el Dio. Avlo kon el Dio, solo en akeyos momentos ke son personales para mí”.
2. Se engrandesio en Pale. Komo grande parte de Ukrania, la sivdad natal de Zelensky, es Kryvyi Rih. Kryvyi Rih es la sola rejion del Imperio Ruso ande permetian a los judios de bivir. Konosida komo Pale of Settlement, se formo a la fin del siglo XVIII i al empesijo del XIX. El governo ruso forsava a los judios de bivir en otros lugares debasho su supervision. Los pogromes, o atakos organizados kontra las komunidades judias, salyeron en medio aya i terorizaron los judios ke biviyan aya durante jenerasiones.
3. Komo la mayorita de los judios ukranianos, el Olokosto es parte de su estoria. Zelensky disho ke su bisabuelo i tres de los ermanos de su abuelo murieron en la invasion de los nazis en el territorio ukraniano. Su abuelo i los ermanos atakaron kon armas a los nazis en la Armada Kolorada; su abuelo fue el solo ke sovrebivio. Su abuela disho ke sovrebivio porke se fue de Kryvyi Rih a Kazakistan; kaji todos los judios ke kedaron fueron asasinados. Un monumento del Olokosto serka de la kaza de sus padre en Kryvyi Rih fue destruido en enero de 2020
4. Disho ke ser judio es una chika parte de su identidad. Zelensky muy ralo avla publikamente de su identidad judia i no lo empleyo komo una parte de su kampanya.
5. Disho ke lo deve a su madre i a su padre ke le diyeron la moral. El padre es un matematiko ke dirija un departamento universitario de informatika; su madre Rimma fue enjeniera durante munchos anyos. Disho en una entrevista ke no puede akseptar mintiras.
6. Tiene munchos paryentes en Israel. Zelensky disho ke sus paryentes izieron aliya a Israel en la dekada de 1990, durante la emigrasion judia de la Union Sovietika. Tambien lavoro komo aktor i komediano, i tomo shena en munchos lugares en el pais.
7. Es kazado de aki vente anyos atras, es padre de una ijika i un ijiko. Zelensky se kazo kon Olena, ke era una amiga de klasa.
8. Resivio una burs para estudiar en Israel, ma no se fue a Israel. Se izo avokato en Ukrania.
9. Djugo en un filmo ukraniano de "Baylando kon las Estreyas" en 2006.
10. Su rolo el mas reushido fue anunsiar su prezidensia.
11. Empresto su boz a Paddington en las versiones de dublajes en ukraniano de los filmos de "Paddington"
12. Tiene abilidades para el piano.
13. Kozas ke le plaze son djugar kon los perros, azer egzersizes i komer el shawarma sandwich.
14. Se kedo sin kamiza para resivir su vaksina kontra el COVID. La majorita de los lideres mondiales publikaron fotos en torsiendo las kamizas. Zelensky izo todo lo posible para kitarse la kamiza por entero en un movimiento para atirar la atansion enternasional.
15. No le plaze pedrer.
16.Los ke lo konosen estan diziendo ke es la persona ke estash viendo en este momento. Algunas kozas ke esta pensando i ke no son djustas, nunka las aksepta komo djusto.
17. Troko su repuesta a la agresion de Rusia en sinko minutos, sin ezitar komo los otros lideres. Les disho ‘Keremos vuestro ayuda. Mos estamos muriendo por los ideales de Evropa’.
