Martes, el ocho del marso, fyestimos el dia internasyonal de las mujeres.
- El poder de la mujer krea la sosyedad.
- La sonriza de la mujer trae la primavera al mundo.
- Can Yücel es un poeto muy konosido i famozo. El tyene unas palavras emportantes por las mujeres. Unas kuantas de estas palavras son: “Tu sos mujer. Kuando tokas una koza todo se aze ermozo, kuando estas, las kazas estan yenas kon muncha djente. Tyenes grande poder, rendete kuento de tu valor, de tu fuersa". "Tu sos mujer kon tus defektos, tus errores, kon tus kaprichyos, kon tus selos… Tu sos muy ermoza kon todo lo ke posedas."
- La mujer no es solamente un dia, deve de ser akodrada kadal dia.
- Kreygo ke el poder de una mujer esta eskondido en su determinasyon de azer lo mijor por akeyos ke dizen ke no pueden azerlo.
- El poder de una mujer se eskonde, en el refleto de las kolores de su personalidad tanto en su vida privada.
- El poder de una mujer se eskonde en la konfiensya en si mizmo i el respekto a si mizmo i a su entorno.
- El poder de la mujer es todo lo ke nesesita para topar solusyones a todos los problemes de la umanidad.
Bueno ke semos Mujeres.
Las mujeres deverian ser lideres, en lugar de kontribuir a la ekonomiya.
- El poder de la mujer es krear una kriyatura. Si la sosyedad se kree en el pueder de la mujer, sera mas soludable, produktiva, plazentera i pasifika.
- La fuersa de una mujer se mezura kon el amor i el
respekto. Kerer byen es muy emportante.
- El poder de una mujer es unika. La mujer es el motor del mundo i de la vida. La mujer es una fuersa ke krea la vida i el mundo, i engrandese el kriyo. La mujer save la valor de la persona.
- El poder de la mujer esta eskondido en sus proprias kapachidades i en su pasensya.
- El poder de la mujer es sufizyente para realizar un esfuenyo. Meldar, estudyar, lavorar i ser aktiva en todos los kampos de la vida sosyal son las karakteristikas de la mujer ke es reushida.
- La fuersa de la mujer puede venser kualkier koza, porke las mujeres kreen en si mizmas i en lo ke pueden reushir.
- La mujer i el arvole paresen el uno al otro. La mujer echa raizes en la tyerra, se engrandese. En engrandesyendose se aze la respirasyon del al del lado, da flores, da frutas… Syempre es eya ke mantyene la tyerra en pyes, i syempre es eya ke orienta la luz.
- El 08.03.2022 Feliz Dia Enternasyonal de las Mujeres…
