Tolstoy fue un romansyero ruso, pensador sosial i moral, i uno de los mas eminentes eskritores de todos los tiempos.
Estudio derecho en la Universidad de Petersburg, ma no lo eskapo. Peryo su madre, kuando tenia solo dos anyos, i su padre kuando tenia mueve anyos.
En 1851, despues de akumular grandes devdas de djugo, viajo kon su ermano grande al Kaukaso i entro a la armada. Tolstoy servio komo un joven ofisier de artilería durante la Gerra de Krimea i estuvo en Sebastopol durante el blokeo de 11 mezes de Sebastopol en 1854-1855, inkluida la Batalya de Chernaya. Estava en orror por la kantidad de muertes ke afitavan en la gerra, i deshó la armada a la fin de la Gerra de Krimea.
Eroiko, Leon Tolstoy i sus sakrifisios, su kapachidad konsernando la politika, troko su vida. Trusho ideas revolusionarias, pedagojikas, despues ke viajo en la Fransia, la Suisa, la Alemanya.
Avrio una eskola para los proves. Promotor de reformas sosyales, tuvo problemas kon el governo i fue ovligado de serrar la eskola. Kon la entisyon de reflektar la sosyedad en la ke bivia, se inisio a eskrivir kon fidelidad.
Nasido en una famiya noble, i kazado kon SOFIA BEHRS, TOLSTOY, tuvo una importante influensa en el pensamiento anarshiko…
TOLSTOY es konsiderado uno de los jigantes de la literatura rusa; sus ovras inkluyen los romansos GERRA I PAZ i ANNA KARENINA.
Se konvertio en una persona relijioza i altruista.
Un filmo inolvidavle konta los ultimos anyos del famozo eskritor: “The Last Station” (La ultima estasion) del rejisor Michael HOFFMAN, intérpretado por los aktores Christopher PLUMMER i HELEN MIRREN.
