Beshalah

Rav Yeuda ADONİ Judeo-Espanyol
12 Ocak 2022 Çarşamba

El puevlo Djudyo salyo de Raamses i arivaron a Sukot. Estando en la sivdad de Sukot, les apronto El Kriyador de una manera milagroza komo dos pilares, uno de fuego, i uno de nuve, ke iva adelantre de eyos.

El pilar de fuego iva kon eyos la noche por arelumbrarlos. I el de nuve iva el diya por amostrarles el kamino. El sigundo diya, diya de 16 Nisan, enpeso a kaminar delantre el real, el pilar de nuve, i el puevlo se fueron detras de el, i pozo en un lugar nombrado ‘Etam’, ke es en los kavos del dizyerto. De este lugar se puedian ir muy bueno a el monte de Sinay sin pasar por Ruvya. Lo mando tomando el kamino por la parte de Tsafon de esta mar. Pero el Dyo le enkomendo a Moshe Rabenu ke se tornaran atras de este kamino, i ke apozen delantre de la sivdad Pitom, en un lugar estrecho entre la mar Ruvya, i la forterisa de este sivdad del Ejipto, i los Djudyos izyeron ansi.

Arivando a este lugar, se topa el puevlo de Israel en un estado muy perikolozo. Paro vyendo ke los Djudyos tornaron a este lugar, penso ke estan mareyados en el kamino i no saven por onde ir i vinir. I olvidandose Paro de todos los males ke pasaron por su kavesa, se arepintyo de lo ke izo de deshar a los Djudyos de su tyerra, i pedrer tantas esklavas. Arekoje una armada muy fuerte i va presigir a los Djudyos i los alkansa en este lugar en el sejen diya ke salyeron de Mistrayim.

El puevlo Djudyo se topo en el mas grande dezespero, i no save lo ke azer por ke tomar i gerrear kon una armada tan fuerte sin estar eyos aparejados para esto, i kon famiyas, mujeres, kreaturas. Fuyir, esto tambien era enposible, syendo de una parte teniyan la mar onda, i de otra parte el fonsado Ejipsyano. Otros propozaron de mizurarsen kon los Ejipsyanos, sovre lo ke kere ke seya. Otros pensaron de ovedeser a sus vyejos patrones, i tornar atras a Mistrayim, a sus esklavaje.

El Todo Poderozo ya save lo ke aze, i le dize a Moshe Rabenu ke diga a el puevlo Djudyo ke no se espanten i ke enpesen a kaminar sovre la mar. El Santo Bendicho el le dize a Moshe Rabenu, ‘espande tu mano sovre la mar i partila, i ke kamine el puevlo Djudyo por la mar komo fuera tyerra’.

Moshe izo el komando de El Kriyador, i kon un fuerte ayre ke aparejo El Kriyador se seko la mar komo si fuera tyerra. Entraron los Djudyos dientro la mar, i pasaron por ayi myentres la noche entera kaminando komo se kamina por lo seko.

Siz de yorumunuzu yapın

Tüm Yorumları Görün

İLGİLİ HABERLER

İLGİNİZİ ÇEKEBİLİR