ALBERT SADACCA (1901-1980), Inventor de las luzes elektrikas de Noel

Süzet FRANSEZ Judeo-Espanyol
29 Aralık 2021 Çarşamba

Judio sefaradi,  nasido en  tierra muzulmana ,en el Imperio Otomano, en Chanakkale, illumino el mundo Kristiano kon su invension. Albert Sadacca (Sadaka), kon su famiya se fue a los Estados Unidos, Nueva York, en los anyos 1910. Komo munchos sefaradis otomanos en NYC, los Sadakas empesaron un echo de “dondurma” i despues otros echos mas modernos komo la iluminasion. Otros sefaredis otomanos komo los Pensos, los Barokas tanbien eran manifaktores de luzes en Nueva York.

Las primeras luzes fueron inventadas por Thomas Edison i Edward Johnson verso la fin del siglo 19. En el Christmas de 1923, el prezidente de los Estados Unidos, Calvin Coolidge, empeso la selebrasion de Christmas en ensendiendo el arvole national kon 3000 luzes elektrikas en el sud de la Kaza Blanka.

En el empesjo del siglo 20, las luzes estavan rezervadas para los rikos i ekspertos de elektrisidad. El kablado de elekrisidad era muy karo i asender un arvole en Noel kostava komo 2000 dolares de oy. Las famiyas uzavan kandelas para iluminar sus arvoles, ma esto era muy danjorozo i provokava munchas fuegos. La famiya Sedacca tenia una kompanyia de iluminasion i kuando el adolesente Albert Sadacca, en 1917 meldo ke uvo un grande fuego kavzado por las kandelas de Noel, bushko un kamino mas seguro. El propozo de ofreser al publiko, luzes elektrikas de kolores briyantes.

En 1920, Albert Sadacca i sus ermanos Henri i Leon, organizaron una Assosiasion Komersial, NOMA Electric Co., kon sus haveres i el merkado de luz de Christmas fue en sus manos asta los 1960.

Kuando asendesh las luzes del anyo muevo en vuestras kazas, mos akodraremos desde judio sefaradi otomano, ke ilumino el mundo kristiano en su fiesta.

Siz de yorumunuzu yapın

Tüm Yorumları Görün