Tout s´est bien passé Filmo Fransez de François Ozon

Se trata de una istoria dramatika, ironika.

Esti SAUL Judeo-Espanyol
29 Aralık 2021 Çarşamba

"Eutanasia" – Suisidio asistido.

Parisiano riko de la burgezia, André (André Dussollier), Judio de 85 anyos, es un koleksionario de arte plastiko, dekorado de la "Légion d'Honneur".

Su espoza Claude (Charlotte Rampling), skulptora depresiva, soporto su marido durante munchos anyos. Aboko la kavesa por amor, malgrado ke supo ke su espozo era homoseksual. André, egoisto, fue un padre difisil, se vengo de sus dos ijas.

Kuando su hazinura se agravo, peryo su dinyita. Medyo paralizado, en su kama en el ospital, se atrivio a demandar a su ija grande Emanuelle (Sophie Marceau), una eskrivana reputada, de ayudarle para meter fin a su vida.

Fransia enterdiza la Eutanasia, Emanuelle kontakta una dama Suisa (Hanna Schygulla) i le demanda ayudo para resolver el problem, i le dize;

- Malgrado ke mi padre era uno ombre de karakter muy difisil, yo amo a mi padre. 

La fin no se save. Sera posivle ke va tomar i desidir de realizar el dezeo de su padre?

La ironia de un padre a su ija la chika, Pascal (Géraldine Pailhas):

- Esta istoria sera un sujeto muy enteresante para el livro muevo de tu ermana Emanuelle...

Keridos lektores, vos sueto dias mas a alegres en 2022.

Kon kerensia.

 

Siz de yorumunuzu yapın

Tüm Yorumları Görün

İLGİLİ HABERLER

İLGİNİZİ ÇEKEBİLİR