EJIPTO GANO UN PREMIO POR LA RESTORASION DE LA SINAGOGA ELIYAHU HANAVI

Dora NİYEGO Judeo-Espanyol
10 Kasım 2021 Çarşamba

Ejipto esta konsiente de la emportansa de restorar los monumentos judios para aktivar el turizmo.

El prezidente Abdel Fattah al-Sisi, en en el anyo 2018, aparto 71 miliones de dolares para restorar sitios arkeolojikos judios en Ejipto, i en mezmo tiempo, monumentos islamikos i kristianos.

En Ejipto, ay mas de 25 sinagogas, distribuadas entre Kairo, Aleksandria y Beheira, ma solo 11 templos estan  rejistrados en el Ministerio de Antigidades i en el Ministerio de Kultura.

La Embasada de Israel en Kairo deklaro en alavando la inisiativa del governo ejipsiano de restorar monumentos, enkluidos los monumentos judios, kon el buto de prezervar la istoria del antiguo Ejipto, porke Ejipto es el sentro de la sivilizasion".

El 7 de Oktobre, el ministro de Antigidades, Khaled al-Anani, disho durante una konferensia de prensa en la Embasada de Ejipto en Paris: “El estado ejipsiano kere prezervar el patrimonio kultural i sivilizasion de Ejipto para las jenerasiones futuras. Por esta razon, esta aparejando proyektos para la restorasion i el mantenimiento de monumentos i el developamiento de muzeos en el pais entero. Munchos proyektos de restorasion fueron reushidos, sovre todo el proyekto para restorar la sinagoga Eliyahu Hanavi en Aleksandria".

Gamal Abdel Rahim, profesor de Arkeolojia Islamika, Kristiana i Judia en la Fakultad de Arkeolojia de la Universidad de Kairo, disho a Al-Monitor: “El premio ganado por el proyekto de restorasion de la Sinagoga Eliyahu Hanavi es un testimonio internasional del sukseso de Ejipto en la restorasion de monumentos". El premio sertenamente va kontribuar a rebivir el turizmo. El Ministerio de Antigidades esta utilizando este premio en su plan para azer publisidad en el mundo entero para prezantar las antigidades reputadas de Ejipto".

 

 

Siz de yorumunuzu yapın

Tüm Yorumları Görün