Un Filmo Interesante CONTACT / Mesaj

Adaptado del romanso de CARL SAGAN (Premio Pulitzer) ROBERT ZEMECKIS, ke avia resivido el OSCAR kon el filmo famozo, “Forrest Gump”, lo adapto al 7en arte.

Esti SAUL Judeo-Espanyol
9 Eylül 2021 Perşembe

Ke mos konta el filmo?

Dr. Eleanor ARROWAY (Jodie Foster), apasionada, interesada desde su chikez a los bivientes de otras planetas, djuntos kon su padre ke la ayudo i ke peryo kuando era chika, realizo su pasion...

Akompanyada de un ekipo de astrologos, bushko a realizar su ambision. I nunka no peryo esperansa, insistio para alkansar a su buto.

Kon su kuriozita i kada vez mas i mas, paso su tiempo a oyir los sinyales radiofonikos.

Kuando profitando del fondo ke le akordaron, por menester, sufrio de la rivalidad. Ma no se dezespero i kontinuo kon insistensia. Malgrado las indjustiyas, no se ezvacheyo de su sonyo, mizmo ke no pudo konvenser ni su ekipo.

Se apego kon perseverensia a su ideal.

El filmo me kontento kon un happy end:

Parvino a tomar un mesaje.

La realizasion merese palmas.

Vos konsejo de no mankar de verlo.

Semanada buena.

 

Siz de yorumunuzu yapın

Tüm Yorumları Görün