JUSTICE EST FAITE Se aze Djustisia

Dr. Elsa Lundenstein fue akuzada de aver asasinado su amante. Es un filmo dramatiko fransez de 1950, ke aborda el tema de la eutanasia.

Esti SAUL Judeo-Espanyol
23 Ocak 2021 Cumartesi

Lo segi kon entereso en la TV5, me intrigo, me izo pensar...

Segir los dialogos del juri i sovre todo de la akuzada Dr. Elsa Lundenstein...

No va kontar el filmo por la razon ke puede ser vash a kerer verlo - la teknolojia mo lo permete.

Dirijado por André Cayatte, aborda el tema de la eutanasia, deskriviendo un kavzo juridiko en el ke se djuzga a una mujer por matar a su amante hazino terminal, a la demanda de este.

Gano el Leon de Oro en el Festival de Sinema de Venezia, i el Lonso de Oro en el 1er Festival Internasional de Sinema de Berlin

 

Senario

Elsa Lundenstein es akuzada de aver asasinado a su amante. El juri diskute el kavzo de manera biva, para desidar si Elsa mato al amante kon el kual bive, para meter fin a sus sufriensas, o si lo mato por intereso personal i porke esta enamorada de un otro ombre. Todos los miembros tienen de alguna manera prejudisios, porke Elsa es una estranjera i por modo de una eksperiensa de sus vida personal. Kada miembro ve de manera diferente los echos prezentados.

 

Premios

El filmo es uniko porke gano el Lonso de Oro i el Leon de Oro:

1er Festival Internasional de Sinema de Berlin - Lonso de Oro (Thrillers i aventuras)

Festival de Sinema de Venezia - Leon de Oro.

 

Justice est Faite

Dirijado por        André Cayatte

Produsido por    Robert Dorfmann

Eskrito por         André Cayatte, Charles Spaak

Protagonizando  Claude Nollier, komo Elsa Lundenstein

Muzika por          Raymond Legrand

Sinematografia   Jean-Serge Bourgoin

Editado por         Christian Gaudin

Pais                     Fransia

 

Keridos lektores, un saludo de Estambol.  

Siz de yorumunuzu yapın

Tüm Yorumları Görün