Este anyo en el DIDL 2019, vos vash a pishar de la riza!

Karen GERSON ŞARHON Judeo-Espanyol
19 Aralık 2018 Çarşamba

Este anyo, el Dia Internasyonal del Judeo-Espanyol / Ladino, Estambol se va selebrar el 10 de Febrero, 2019, un Alhad, desde las 11.30 de la manyana asta las 6 de la tadre.

Vos konsejo de apartar vuestros lugares desde agora porke este anyo vos estamos aparejando un program yeno de rizas a tanto ke vash a salir de eskola judia kon las karas en dolor de tanto riyir. Komo siempre vash a tener una komida bien sefaradi i bien savroza preparada por muestro amigo Meir (Robelyu).

Tenemos a muestras estreyas, Süzet, Anna i Şeli ke vos van a enkantar komo siempre.

Tenemos a una mansevika, Selin Toledo, de 25 anyos ke mos va avlar en Judeo-Espanyol. Mos ennamoramos kuando ay un mansevo ke avla en muestra lingua. Selin tambien es muestra mueva eskritora en el Şalom.

I tenemos una piesa de teatro maraviyoza ke eskrivyo Forti Barokas. Empesimos kon 15 minutos ama lavorando, la piesa ya se izo de 45 minutos. No vos vash a kedar de riyir durante la piesa. Por esto vos rekomendo ke traygash bragas yedek, por si no vos kachirash un poko!!!

Este anyo, este DIDL se va avlar por el mundo entero! Este anyo, este DIDL va ser una koza ekstraordinarya. Aparejavos a pasar un dia maraviyozo. Al vermos!

 

 

Siz de yorumunuzu yapın

Tüm Yorumları Görün

İLGİLİ HABERLER

İLGİNİZİ ÇEKEBİLİR