27 Ocak 2022 Perşembe 15:25
DELFIN DEKORASYON
DELFIN DEKORASYON

MURIR DE LA AMBRE

Eliz GATENYO Judeo-Espanyol 667 görüntüleme
12 Ocak 2022 Çarşamba

En 1845 afito un grande dezastre en la Irlanda. Este dezastre era el mas grande ke se vido en la istoria irlandeza. La razon de este dezastre era la mankura de las patatas.

Sigun los sientifikos, las patatas se vieron por primera vez en Peru de la Amerika del Sur. En el 16en siglo, los espanyoles yevaron estas patatas a la Evropa. Las patatas eran muy kolay para plantar i rekoltar, eran baratas i desparte artavan muncho los ambiertos. Ansina la patata fue el alimento el mas konsumido en la Evropa.

En el siglo 19, una hazinura de fungus ampeso a propajarse en los kampos. Deke se enfektaron todas las patatas de la Irlanda? Por ke el djinz de estas patatas eran de un djinz ke se yama “Irish Lumper”. Estas patatas no se topavan en otros payizes.

En 1845, los 40% de las patatas sembradas se enfektaron i un anyo despues todas las patatas se bozdeyaron, mizmo las ke estavan en los depos. La Irlanda aviya kedado en medyo de la ambiertura i la provedad. En 7 anyos de esta mizerya, kaje 1 milyon de personas muryeron i milyones de djente se hazineyaron i uvo munchas emigrasyones.

La Irlanda aparteniya al Reinado Britaniko. Achakes ke el puevlo no estava mas puedyendo pagar las kiras, los proprietaryos de las tierras, los kitaron de los terenos. Komo se aminguaron  los alimentos, los presyos pujaron i el poder de merkar se aminguo.  

Uno de los mas grandes efektos de la ambiertura era ke los irlandezos se estavan fuyendo de la mizerya i provedad. Los ke kedaron i no kijeron espartirsen de sus payizes se apartaron en dos grupos. Un grupo era de los nasyonalistos, ke inisyaron el movimiento independentista irlandes ke duro anyos i el otro grupo eran los unionistos ke keriyan kedar fideles a la Ingletierra. Ma la mayoridad pensavan ke la Ingleterra no les kijo ayudar en el tiempo de la mizeria.

El mas emportante simbolo de la grande ambiertura irlandeza son las statuas realizadas por Rowan Gillespie en 1997. Estas statuas se topan al lado del rio Liffey, en Dublin. Las statuas flakas, machukadas i dezesperadas estan en Custom House, el puerto ke el primer vapor ke se fue verso la Amerika al empesijo de la ambre de la patata.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV Şalom Spotify'da GZ

TÜNELİN UCU - İzel Rozental

TÜNELİN UCU - İzel Rozental