20 Ocak 2022 Perşembe 11:58
DELFIN DEKORASYON
DELFIN DEKORASYON

Una data muy importante en la istorya del antisemitizmo: Un dokumento kontra el antisemitizmo

Metin DELEVİ Judeo-Espanyol 1412 görüntüleme
3 Kasım 2021 Çarşamba

Fue el 28 Oktobre de 1965 ke la Eglisya Katolika desho de akuzar ofisyalamente al puevlo djudio por la muerte de Hristos / Yeshu. Esta deklarasyon pionera vino despues de kaji de dos milenyos de odio, persekusyon i destruksyon ke kon demaziada frekuensa fue stimulada por los eskritos i sermones de la Eglisya Katolika. La revokasyon i abolisyon de esta akuzasyon (ya savemos ke es non fondada) ke empeso en el kuatren siglo fue parte de un dokumento konosido komo “Nostra Aetate”, "En muestro tyempo", ke fue emitido i publikado durante el Konsilyo Vaticano II (Vaticano II) el 28 de Octobre de 1965. Se puede traduizir su titulo komo "La deklarasyon sovre las relasyones de la Eglisya kon las relijyones non kristianas” i, komo tal, analiza la relasyon de la Eglisya kon el Hinduizmo, el Budizmo i kon el Islam. Ma, en meldandolo se ve ke, la seksyon relasyonada kon el Djudaizmo konstituye aproksimamente el 1/3 del dokumento.

Kualo provoko este trokamyento de pozisyon dramatiko? Despues del Olokosto uvo un gran egzamen de konsyensya sovre komo el mundo podria permitir ke afite el intento de kaji total destruksyon i eliminasyon de los Djudios. En 1958, el Archbishop Roncalli, ke aviya servido en Estambol durante la gerra i estava lavorando para salvar a syenes de Djudios (en el tyempo serkano mos estamos ambezando ke el reusho a salvar en munchos kavzos), fue elijido Papa i fue nomado Papa Jean XXIII. Despues de meldar el lavoro del istoryador i edukador fransez Jules Isaac, ken djusto despues de la gerra, aviya publikado sus investigasyones sovre el antisemitizmo empleyado en los livros evanjelikos i dokumentos de la Eglisya, el Papa Jean XXIII se apersivyo i se konvisyo de la kulpabilidad de la Eglisya Katolika en el Olokosto, i rekonosyo, ke, a lo manko una parte (grande o chika no es importante) del antisemitizmo de la povlasyon fue provakada por estas kreyensas nasidas de la baza de estos livros evanjelikos. Nomo al Kardinal Augustin Bea para ke investige i eskriva un reporto, un dokumento sovre el antisemitizmo de la Eglisya.

El Papa Jean XXIII muryo en 1963, ma su suksesor, el Papa Paul VI, kontinuyo el proseso de reevaluasyon, prezentando el Nostra Aetete en el Konsilyo Vatikano II. Este dokumento no solo refuzo i revoko la akuzasyon de ke los Djudios mataron a Yeshu i repudyo la persekusyon de los Djudios, sino ke tambyen aksepto las raizes de la Eglisya en el Djudaizmo i la nosyon de pakto eternal (Berith) entre Dyo i el puevlo djudio.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV Şalom Spotify'da GZ

MOZOTROS AİLESİ - İrvin Mandel

MOZOTROS AİLESİ - İrvin Mandel

TÜNELİN UCU - İzel Rozental

TÜNELİN UCU - İzel Rozental