27 Kasım 2021 Cumartesi 17:25

El otor de la Deklarasyon Universal de Los Derechos Umanos

Metin DELEVİ Judeo-Espanyol 1095 görüntüleme
21 Ekim 2021 Perşembe

Ay munchos djudios famozos nasidos en el mez de Oktubre. I unos kuantos nombres entre eyos:

Vladimir Horowitz (1903), Walter Matthau (1920), Groucho Marx (1890), Donna Karan (1948), René Cassin (1887), Obi Ofarim (1937), Bob Geldof (1951), Fyvush Finkel (1922), Oliver Hart (1948), Sharon Osbourne (1952), Joshua Zeitlin (1923), Harold Pinter (1930), Daniel Pearl (1963), Jean-Jacques Goldman (1951), Edith Stein (1891), Paul Simon (1941),  Sacha Baron Cohen (1971),  Beppino Levi (1872),  Hannah Arendt (1906), Ralph Lauren (1939), Isaac Mizrahi (1961), Ernest Peixotto (1869), Moshe Sharett (1894), Jesse Greenstein (1909), Yitzhak Shamir (1915), Mordechai Gifter (1915), Angelica Rozeanu (1921), David Ben Gurion (1888), Ze'ev Jabotinsky (1880), Jerry Siegel (1914), Arthur Miller (1915),  Henri Bergson (1859),  Yaakov Yosef (1946), Wendy Wasserstein (1950), Zac Efron (1987), Salomon Heine (1767), Adolph Meyer (1842),  Robert Strauss (1918), Art Buchwald (1925), Binyamin Netanyahu (1949), Sarah Bernhardt (1844), Gummo Marx (1893), Felix Bloch (1905), Sir Moses-Montefiore (1784),  Kevin Kline (1947),  Roman Abramovich (1966), Johann Strauss, Jr. (1825),  Levi Eshkol (1895),  Martin Gilbert (1936), Benjamin Guggenheim (1865), Jonas Salk (1914), Walter Süskind (1906), Oliver Zangwill (1913), Haim Hefer (1925), Richard Dreyfuss (1947), Heinrich Graetz (1817), Eugene Meyer (1875), Jean Améry (1912), Lee Grant (1927),  Rob Schneider (1963), Adam Horovitz (1966), Adam Schlesinger (1967), Ivanka Trump (1981).

Oy, vos va eskrivir sovre un nombre importante, el otor de la Deklarasyon Universal de los Derechos Umanos, René Samuel Cassin.

El ganador del Premyo Nobel de la Paz (1968) René Samuel Cassin nasyo en Bayonne, Fransya en el anyo 1887. Dunke resivyo el premyo Nobel en sus 81 anyos. Despues de estudiar literatura i derecho, Cassin fue resivido al baro en 1909. Kontinuo sus estudios myentres lavorando komo avokato i, en 1914, su doktorato en syensas juridikos, ekonomikos i politika fue akseptado. Kuando empeso la Primera Gerra Mundial, Cassin se entrego a la infantería franseza i fue gravemente ferido por una bomba en 1916.

Poko despues de tornar a su karyera de derecho, Cassin aksepto un posto de profesor en la Universidad de Paris. Dyo konferensiyas kaji en el mundo entero, publiko dyezenas de artíkulos i organizo i dirijo munchas organizasyones relasyonadas kon los veteranos de gerra deskapasitados. Cassin tambyen fue delegado de Fransiya en la Liga de las Nasyones.

Komo djudio fransez durante la Segunda Gerra Mundial, Cassin era muy konsiyente de los orores del nasyonalizmo alman i los abuzos de los derechos umanos. Fue uno de los primeros siviles a responder a la yamada de rezistensya del general Charles de Gaulle i, en repuesta, se dirijo a Londra.

Kuando el “comité central de la Alianza Israelita Universal” entro debasho el reyno i control de Vichy, el General de Gaulle demando a Cassin ke se karge de esta institusyon. Desde 1943 asta su muerte, Cassin fue el prezidente de esta famoza organizasyon djudia.

La primera reunyon ofisyal de las Nasyones Unidas fue en Enero de 1946. Cassin fue uno de los primeros miembros de la Komisyon de los Derechos Umanos de la ONU. La komisyon fue responsavle de la kreasyon de la Deklarasyon Universal de Derechos Umanos, ke fue akseptada por 48 votos kontra 0 (8 abstensyones) el 10 de Desembre de 1948. Esta deklarasyon es, oy en diya, la baza de las leyes de derechos umanos ke se utilizan en el derecho enternasyonal.

Cassin tambyen fue miembro (1959-1965) i presidente (1965-1968) del Tribunal Europeo de Derechos Umanos.

Komo prezidente de AIU, Cassin lavoro kon el Komite Djudio Amerikano i la Asosyasyon Anglo-Djudia, para fundar el Konsejo Konsultativa de Organizasyones Djudias, una organizasyon dedikada a dar apoyo para la plataforma de derechos umanos de Cassin desde una perspektiva djudia.

En 1947, René Cassin kreo el Instituto Fransez de Sensyas Administrativas (IFSA). Fue el primer prezidente de esta asosyasyon.

Cassin muryo en el 20 Febrero 1976.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV Şalom Spotify'da GZ

MOZOTROS AİLESİ - İrvin Mandel

MOZOTROS AİLESİ - İrvin Mandel

TÜNELİN UCU - İzel Rozental

TÜNELİN UCU - İzel Rozental