27 Kasım 2021 Cumartesi 18:03

LA JUSTISYA DE SHLOMO AMELEH

Eliz GATENYO Judeo-Espanyol 960 görüntüleme
21 Ekim 2021 Perşembe

Oy vos kero transmeter una leyenda ke mos aviya kontado Moris Levi en los anyos pasados.

Un diya, el rey David, mando a su servidor a un payis leshos por echo. Kuando eskapo su echo, el servidor se metyo en kamino para tornar una ora mas presto, viajo de diya i de noche. Verso la demanyana arivo a un Han. Bateyo la puerta, se esperto el handji i avryo la puerta medyo durmiendo. El servidor ya saviya ke no teniya munchas paras ensima, le demando ke le de solo dos guevos haminados. En la madrugada ke estava gurmiozo el handji i dainda no aviya ni asendido el orno, kon inyervos ke lo esperto akeyas oras, le disho ke le puede dar solo dos guevos haminados ke le avia kedado de un diya antes. El servidor aksepto i se komyo los dos guevos kon grande plazer. En saliendo al kamino, kijo pagarle,vido ke los groshes ke teniya en la aldikera, kayeron por un burako, i ke  kedo sin paras. Kon mil ekskuzas le disho ke, el era una persona onesta i le dyo palavra ke en serka iva tornar para trayerle su devda. El handji se inyervo muncho, lo arondjo al servidor del han, serro la puerta kon grande bruyido i se fue a echar.

Despues de unos kuantos mezes torno el servidor al han. Se ekskuzo ke no pudo vinir mas antes i le dyo los dos metelikes (paras de al tiempo). El handji miro las paras i se las dyo atras kon inyervos. Le disho: “No! Tu no me deves solo las paras de dos guevos. Me deves muncho mas. Porke si no te dava estos dos guevos a ti akel diya, me puediyan salir dos poyikos, kuando estos poyikos se ivan a engrandeser se ivan a azer dos gayinas i me ivan a parir kada diya guevos i de estos guevos me ivan a salir otros poyikos. Si tu me keres pagar tu devda, deves de pagarme las paras de un gaynero entero. Por esto no esto akseptando estas paras i si no me las pagas no te las va azer helal”. Despues de diskusyones largas desidaron de yevar este kavzo ande el rey David para ke el seya el djuzgador.

Kuando se fueron ande el rey David ya estava tadre i este kavzo era el dalkavo juzgo. El rey David los sintyo i disho ke ya estava kansado i iva dar el karar a la demanyanika.

El ijo del rey David, Shlomo, estava siempre al lado de su padre. Le plaziya oyir las kavzas i los karares.  Oyo ke el padre estava desidado de dar razon al handji. Ma no teniya ozadiya de avlar kon su padre ensima de sus desizyones. A la noche se asentaron a la meza. Les sirviyeron fasulyas. En supito a Shlomo le vino al tino una idea. Tomo su chini i disho al padre: “Puedo salir a la guerta a sembrar estas fasulyas? Puedeser ke despues de tiempo puedemos tener munchas fasulyas mas”. El rey David le disho: “Ijo miyo, de estas fasulyas kochas, no salen ojas. Boviko sos?”. Despues ke disho esto, se estuvo kayado. Ya entendyo el yerro ke estava azyendo. I pishin troko su karar. Entendyo el mesaje ke kijo darle Shlomo. Porke los guevos ke dyo el handji eran guevos haminados kedados de un diya antes. Komo ivan a salir poyikos de aryentro?

Esta leyenda mos da un egzemplo de la justisya de Shlomo a Meleh.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV Şalom Spotify'da GZ

MOZOTROS AİLESİ - İrvin Mandel

MOZOTROS AİLESİ - İrvin Mandel

TÜNELİN UCU - İzel Rozental

TÜNELİN UCU - İzel Rozental