23 Ekim 2021 Cumartesi 01:43
Op Dr Mücteba Gündüz

Magna Carta

Judeo-Espanyol 1011 görüntüleme
23 Eylül 2021 Perşembe

Ester Pando

Keridos Lektores,

Esta vez kije investigar el sujeto de la demokrasia, ke no se esta utilizando komo se deve en el mundo entero.

“Magna Carta Libertatum" en Latino kere dizir, “El kontrato de las grandes independyensas".

Este dokumento apartiene a los Inglezes, i se sinyo en el anyo 1215. Kon este dokumento se aminguo los diritos del rey de la Ingletierra, el kontrato lo izo komportarse apropyado a las leyes i fue ovligado de akseptar ke el derecho es mas superiyor a sus dezeos.

En la istorya Ingleza, por la primera vez, los diritos del rey fueron limitados i se dyo muevos diritos a los Sinyores Feodales.

La Magna Carta fue el mas emportante eskalon para arrivar a la konstitusyon del diya de oy.

La Magna Carta Libertatum fue sinyada por el rey de la Ingletierra John. I si en kavzo se piedre el dokumento orijinal, fue kopyada kon 4 kopyas de parte del rey Henry, en el anyo 1215, i fue arshivado asta oy. Las sinyaturas fueron echadas de parte del rey John

en la katedral de Salibury.

En verdade los diritos del rey fueron aminguados en en el teksto teorikamente de parte del Papa Innocentus. Kon esta okazyon, los diritos aminguados del rey sirvieron a desidarsen en este sujeto entre el rey John i los Barones.

El artikolo numero 63 del kontrato, keriya dizir ke 25 Barones puediyan dar desizyones kontra el rey.

A la fin, dinguna parte no uydeyaron a loke se desidyo en el kontrato i el Papa Innocentius annulo el kontrato i todo lo ke se trato.

I todo esto fue la kavza del empesijo de la gerra de los Barones kontra el rey.

El artikolo numero 39 es el mas emportante artikolo del kontrato.

Este artikolo oy en diya, se puede dizir ke es la baza del sistem del derecho.

“Dinguna persona libera no se puede akuzar de parte de otra persona. Antes de ser kondanada i arrestada, se deve djuzgar i despues meter al prezo. No tomarle sus propriedades, no se va egzilar i komo kere ke seyga no se deve dar dingun danyo.

Mi muy keridos Lektores;

Estamos en los mezes de fiestas, vos aguro a todos fiestas alegres i inviyerno kon sanedad i todo bueno.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel