22 Ekim 2021 Cuma 18:06
Op Dr Mücteba Gündüz

“LA ISLA BURGAZ”

Şeli GAON Judeo-Espanyol 1377 görüntüleme
17 Eylül 2021 Cuma

Keridos Lektores,

Antes dos semanas, mi amigo Dr. Robert Schild me envito a la seremoniya de afirmar un livro ke eskrivyo, i ke el sujeto es la isla “Burgaz”. El es un namorozo de esta isla chika ke los moradores son komo una famiya.

Robert avlo kon 83 personas ke son atados de aryento el korason a esta isla ke no se bozdeo por oras orozamente…

Es un privilejyo de bivir en Burgaz i eskrivir los sintimyentos es un servisyo.

El nombre del livro de Robert Schild es: “Un Muzeo Etnografiko Bivo: BURGAZ… Peyzajes de las personas de la isla”…

Robert Schild es un entellektual ke eskrivyo en munchos jurnales i revistas  komo Milliyet, Hürriyet, Agos, Radikal, i otros…

El editor del livro “Halim Bulutoğlu” izo una avla en dizyendo ke, mizmo ke el mora en Büyükada, el es atado a Burgaz, porke aki tyene  munchos amigos, aliados, todos kon karas riyentes. El esta sorprendido de ver la varyasyon de las personas aki. Los nombres, las identidades, los orijines muy diferentes, ma un grupo de personas muy atadas a este lugar komo un kazal chiko.

Burgaz es una tyerra ke no kestyona las diferensyas. Es un mozaiko de diversidad kultural. La emportansa de esta isla es ke en el entorno de un kilometro todos los moradores akseptan el d'enfrente komo son i esto es una grande komodita para los ke biven aki.

Los moradores ke se kompozan de mas de vente orijines etnikos i relijyozos, pasan los enveranos todos endjuntos en pas.

De los anyos 1960 fina oy en Burgaz bivyeron:

los gregos, los alevis kurdos, los lazes, los sefaradis djudyos, los ashkenazis, los ermenis, los fransezes, los bulgaros, los levantenes, los muzulmanos, los alemanes, las relijyozas austriakas, los karayes, los keldanis, los suryanis, los arabos, los ke vinyeron de Malta, los makedones, los ke vinyeron de Karadağ, los ke vinyeron de Kroasya, i un Bahai…

Siguramente kon tantos puevlos uvo munchas bodas mikstas.

La isla Burgaz ke no se ve en la karta jeografika evropea, tambyen fue una isla natal de munchos etranjeros.

Los suedes, los ke vinyeron de la Finlandiya, los Olandezos, los inglezes  i los Amerikanos”…

Agora kero eskrivir los rekuerdos de los ke desharon esta isla antes 40-50 anyos, i ay muncho tyempo ke no vinyeron, ma ke no se olvidaron de Burgaz porke pasaron sus mas ermozos anyos, sus chikez i manseves en esta isla.

Uno ke bive en la Amerika konto: “El Burgaz ke me esto akodrando es uniko para mozotros en munchos puntos de vista. Aya, davan emportansa a la persona. Todos eran mizmos, identikos  aki.

No  aviya diferensya entre el riko i el povre. El sigundo punto emportante es ke aviya la konfiensya. El treser punto era ke todos se konosiyan unos kon los otros. La isla era muestra, mos abrasavamos kon eya syempre ke viniyamos.”

Otro ke bive en Israel konto: “Todas las relijyones biviyan aki kon muncha armoniya i esto se viya unikamente en esta isla”.

Un mansevo ke bive en la Japonya disho: “Mizmo ke ay anyos largos ke desharon esta isla, oy puedemos ver munchos lugares ke kedaron los mizmos i aya se puede rankontrar los ke konosiyamos i sus ijos ke estan kontinuando la tradisyon de vinir i bivir aki.

Yo penso ke esto, es uniko en laTurkiya i mizmo en el mundo entero”.

Robert Schild, te felisito por esta ovra ke eskrivites, es komo un archivo para el avenir. Yo penso ke, este livro ke es el rezultado de una grande investigasyon

va arrelumbrar el futuro.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel