19 Eylül 2021 Pazar 05:46
izmir marriot
izmir marriot

Un savyo relijyozo: Rabbi Akiva

Metin DELEVİ Judeo-Espanyol 1204 görüntüleme
5 Ağustos 2021 Perşembe

Akiva ben Yosef, en su mansevez, era un pastor inyorante i analfabeto. Akiva era una figura tan prove i machukado ke su esfuegro, ekstremamente riko, dezerito a su propya ija, Rachel, por kazarse kon Akiva.

A la edad de kuarenta anyos, la vida de Akiva se troko. Segun la lejenda, en estando en el kampo kon sus vakas, Akiva vido una pyedra kon un burako aryento. Este burako fue kreado por el goteo konstante de agua. Akiva desidyo en este momento ir a estudiar la Torah. Si la agua ke gotea pudiya azer un burako aryento de una pyedra, entonses afilu el, un ombre de kuarenta anyos, podria meldar i ambezar la Torah kon un poko de esforso. Ma, teniya ke empesar de zero, porke Akiva ben Yosef no saviya afilu la alfabe!

 Enkorajado por Rachel, se fue a una Yeshiva para estudiar la Torah durante 12 anyos. Kuando torno, su mujer Rachel le disho ke podiya asperarlo kon una grande alegriya  otros 12 anyos si el keriya mas ambezarse. I Akiva la sintyo. Kuando finalmente torno, el era Rabbi Akiva, el grande savyo i teniya mas de 24.000 estudyantes. (La mayoría de eyos muryeron de la epidemiya de landre durante el peryodo de Sefirat Ha'omer, i segun la lejenda esto les afito porke eran selozos i no se respektavan entre eyos).

Malorozamente, Rabbi Akiva fue uno de los 10 savyos ke los Romanos mataron brutalmente por ambezar el Djudaizmo. Lo torturaron en rayandole el puerpo kon un grande penye de fyerro. Ma, durante esta tortura, Rabbi Akiva grito kon alegriya: “Toda mi vida esperi kumplir el konsepto, 'Vas a amar al Sinyor, Adonay, kon todo tu korason, kon toda tu alma i kon todos tus posibilidades'. Finalmente tengo la oportunidad de kumplir estas palavras". Kon su ultimo reflo, grito las palavras de Shema Israel…

Komo Moshe Rabenu, Rabbi Akiva empeso komo un pastor. Se izo uno de los mas grandes savyos del puevlo djudio kon sufizyente saviduriya para eksplikar las kompleksidades de la ley, giar el puevlo i inspirar las jenerasyones futuras.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel