19 Eylül 2021 Pazar 03:54
izmir marriot
izmir marriot

LA MUEVA KOMUNIDAD JUDIYA DE ALEMANYA

Dora NİYEGO Judeo-Espanyol 814 görüntüleme
5 Ağustos 2021 Perşembe

Ay unos kuantos anyos ke estamos vyendo un renasimyento en la vida i la kultura djudiya de este payis, ande antes de la Segunda Gerra Mondyal, la vida i la kultura djudiya estava floresyendo.
La Sinagoga, el muzeo, i el sentro de la komunidad djudiya ke se establisieron en Munih, en le mez de Marso, del anyo 2007, es un buen egzempyo de la reaparisyon de los sentros djudyos, en Alemanya.
En las sivdades Ulm, Potsdam, i Kolonya, muevos sentros djudyos se estan  establisyendo. En la sivdad de Erfurt, se izo la renovasion de una Sinagoga ke data del anyo 1100.
Estos lugares estan protejados por la polisiya, por modo del espanto de los atakes de los Neonazis.
Despues del anyo 1945, solo 12 000 djudyos aviyan kedado en Alemanya. Este shifro es el dos por syen de los 600 000 djudyos ke biviyan en este payis, antes la Segunda Gerra Mondyal.
El vyejo Prezidente del Konsejo Sentral de los djudyos de Alemanya, Charlotte Kobloch, es uno de los pokos sovreviventes de la gerra. ‘Yo no teniya entisyon de tornar a Munih duspues de la gerra. Kije deshar este payis, porke no me pudiya imajinar ke los tyempos van a trokar’ esta dizyendo Knobloch.
Despues de la gerra, unos kuantos otros sovrebivientes tornaron a Alemanya. Ma, anyos i anyos, la komunidad djudiya kedo muy chika. Los djudyos biviyan solo en las sivdades komo Munih. Tanto ke, mezmo ke ya se saviya ke ay djudyos bivyendo en Alemanya, no saviyamos kuantos son, i ande biven.
Kuando el komunizmo kolapso en la Union Sovietika, despues del anyo 1989, Alemanya avyo sus puertas a los djudyos rusos. 190 000 emigrantes djudyos vinyeron a Alemanya, entre los anyos 1989-2005. Mas de 80.000 djudyos se entegraron en las komunidades djudiyas. Oy, egzisten 200 000 djudyos en este payis.
Kon esta emigrasyon, ke izo ganar una grande vivasitad a las komunidades djudiyas de Alemanya, la populasyon del puevlo djudyo de este payis, se konvertyo en una de las presto-kresyendo populasyones del mundo.
Los emigrantes oryantales vinyeron kon sus kapasitades i edukasyones. Pokos de eyos, saviyan avlar el aleman. Kon tyempo, se ambezaron la lingua, la relijyon djudiya, i los kostumbres djudyos ke era enterdido de pratikar en el komunizmo.
Knobloch estava konvensida ke estos emigrantes se ivan a entegrar presto, ma eya aviya dicho ke no kale ovligarlos a tener una identidad relijyoza. ‘Si keremos reushir, kale ke eyos aksepten esta identidad mueva kon antuziazmo’ aviya dicho Knobloch.
‘Mezmo ke los djudyos son una minoridad komo las otras minoridades de Alemanya, no kale ke se olviden las solombras del Olokosto. Los djudyos ke estan bivyendo en este payis, tyenen un statu espesyal, por modo de la istorya’.
‘Este masakro ke se izo, va kedar en la memorya de las jenerasyones, porke los Nazis mataron los djudyos solo por ke eran djudyos’.
‘Ekos del pasado egzisten dayinda en las menasas de los Neonazis, ke afita de veze en kuando en Alemanya’.
‘Va ser una grande verguensa por Alemanya, ke izo tantos eforsos para azer olvidar el pasado, si dayinda, el aspekto de este payis en el etranjero es, ke los Neonazis un diya pueden ganar de muevo fuersa’.
‘Tenemos dayinda problemas ke devemos rezolver. Por modo de la kriza ekonomika, tenemos de asigurarmos ke las bandas de los Neonazis no vengan a un estado ke no se puede reparar'.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel