6 Mayıs 2021 Perşembe 01:13
Zen Poliklinik 1 nolu alan
Zen Poliklinik 1 nolu alan

DOLYO EN INGLETIERRA

Eliz GATENYO Judeo-Espanyol 1368 görüntüleme
14 Nisan 2021 Çarşamba

“Prezento mis kondoleensyas a Su Majesta la Reina Elizabeth, al Prens Charles, a la Famiya Real i a todo el Puevlo del Reinado Unido, por la piedrita del Duk de Edinburgo. El Prens Philip fue un servidor de su nasyon i va ser muy regretado por su puevlo i por el puevlo de Israel.”

Ansina avlo el Primer Ministro de Israel Binyamin Natanyahu sovre la muerte de el Prens Philip. 

El Prens Philip era un miembro distingido de su famiya i tanbien teniya un otro titolo muy onoravle. El titolo de noblesa  ke teniya su madre, la prensesa Alis. Eya salvo a munchos judios durante el Olokosto. Por esto fue onorada del titolo noble “Justos Entre Las Nasyones” ke se da por Yad Vashem, el instituto internasyonal para la memoria de la Shoa.

La Prensesa Alis Von Battenberg nasyo en el Shato de Windsor i despues de kazarse kon el Prens Andre de Gresya, tomo el titolo “Prensesa de Gresya i Danimarka”. Kuando nasyo era sodra, ma grasyas a la edukasyon de su madre fue kapache de entender todo en meldando los mushos. Despues ke se kazo tuvo 4 ijas i un ijo, el Prens Philip.

Kuando la Gresya peryo la Primera Gerra Mondiala ke gerreyaron kontra los turkos, la famiya fue egzilada. Ansina tuvo una grande depresyon de inyervos i fue metida a un ospital en la Suisa. Despues ke se melizino, torno de muevo a Atena i bivyo aya durante la Sigunda Gerra Mondiala.  Alora ke todos los miembros de la famiya Real se fuyeron del payis, eya se kedo aya, avryo un lugar para dar a komer a los proves i guadro a una famiya entera, Kohen. Ansina despues de su muerte eya resivyo este noble  titolo sentimental. Despues ke vinieron los diktatores al poder en Gresya, Alis se fue a morar al lado de su ijo el prens Philip. Antes de murir eya desho un testamento dizyendo ke keria ser enterrada en Yerushalayim. Kuando se muryo en 1969, este dezeyo suyo no fue akseptado en primero por la famiya Real, por esto fue enterrada en Windsor i en 1988 fue transferada a la Eglisia de Santa Maria Magdalena en Yerushalayim.

El Prens Philip viene de munchas jenerasyones nobles. De nonos i nonas i tiyas i tiyos muy nobles. De Prusya, de Tsarinas Rusas, de Reyes i de Prensesas.  Despues ke sus paryentes fueron egzilados de la Gresya, Philip se fue a azer sus estudios en la Alemanya i en la Eskosia.  Se inskrivio a la Royal Navy, la marina del reynado. Partisipo a la Sigunda Gerra Mundial i despues de esto, tuvo la otorizasyon de espozarse kon Elizabeth. Se konvertio de la relijion ortodoksa al anglikanizmo ansina tomo el nombre de sus nonos britanikos, Mountbatten.

El Prens Philip iva kumplir sus 100 anyos despues de dos mezes.  En Ingleterra deklararon 8 diyas de dolyo i abasharon las bandieras.  Ke su alma deskanse  en pas.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU