15 Nisan 2021 Perşembe 14:36
Beymen 5-20Nisan
Beymen 5-20Nisan

PURIM I EL MIRAKLO

Şeli GAON Judeo-Espanyol 4150 görüntüleme Sesli Dinle
3 Mart 2021 Çarşamba

            La semana ultima, fyestimos PURIM en todas las keilas, las organizasyones djudiyas kon grande entuzyasmo i las kriyaturas kon grande egzaltasyon.

                En la istorya de Purim, AMAN es la persona negra i maldicha ke supo travar la atansyon del imperador Ahasverosh, ensima de los djudyos, para eliminarlos  del mundo.

El vizir Aman, era una persona muy negra i le plaziya vazyar sangre. Kuando empeso a enteresarse en los djudyos se apersivyo ke eyos kreen al Dyo Poderozo, una fuersa ke no se ve, i tyenen unas tradisyones diferentes de todos. Son reushidos en todos los espasyos, i rikos.

Estas todas partikolaridades de los djudyos no le plazyo a Aman, i desido de despareserlos del mundo. El buto suyo era de menospresyar al djudyo, para ke la fuersa ekonomika de el pase, al rey.

              Antes sieklos del evenemento de Purim si miramos a la Espanya, i aki vemos la mizma koza, komo ke los djudyos son viktimas del mizmo komporto de punto de vista konfiensa. Akel tyempo en la Espanya, aviya una perioda de los Katolikos muy fervyentes.

Ma el djudyo era diferente. El era muy fuerte, de punto de vista kultural i sosyal. No aviya asimilasyon del todo. Ma malorozamente, el destino del djudyo era el mizmo. Los aviyan ovligados a trokar sus relijyones, i a los ke no akseptaron los kemaron. Esto sureyo un siglo, i kuando no salyeron abash, en 1492 los egzilaron.

               En 1930 en la Almanya, se enkontraron  kon el mizmo evenemento.

               En la istorya, en Misrayim, el djudyo no rezistyo, i a la fin lo izyeron lavorar komo esklavo. En Shushan yene no rezistyo, grasyas a la reyna Ester, ke era aliada de los djudyos, se salvaron de murirsen.

En la Espanya de muevo no rezistyeron, i unos kuantos trokaron sus relijyones. I a la fin en la Almanya, malgrado Hitler, no se imajinaron de lo ke puede afitar, i munchos se muryeron en el Olokosto.

I aki, kijyeron tomar de la mano de los djudyos, la fuersa ekonomika i entelektual. I en Purim; enkontramos las mizmas enkyetudes.

               La “Megila Ester” mos ambeza ke las difikultades de la vida ke enkontramos, son un egzamen para ayegar, para arivar a lo mas mijor, ke los detenimyentos son okazyones para desveloparmos .

I esto todo vyene de la mano del Dyo ke no vemos, i ke mos gia el destino.

               Las Mitsvas de Purim ampesan kon Taanit Ester, ke se aze el 13 del mez de Adar. Es el rekuerdo de la data, ke Aman aviya desidado de eliminar a todos los djudyos.

“Keriyat Megila” es la mitsva ke se deve de meldar en el dia de Purim: la Megila Ester.

                  El miraklo de Purim se realizo, entre las envitasyones i pransos. Por esta kavza Purim es una fyesta ke todos deven de dar una seuda.

Mishloah Manot. Todos, en dia de Purim kale ke agan regalo dos komidas kayentes i una bevyenda, a lo menos a una persona.

“Matanot Laevyonim”. Komo Mishloah Manot i esta mitsva kale ke se aga en dia de Purim. Distribuir  moneda a los menesterozos, a lo menos a dos personas en este dia mirakolozo. Azer orozos a los menesterozos sin averguensarlos.

La konkluzyon es ke kale kreer a los miraklos.

                 Kuando kreemos a muestra fuersa i a lo ke puedemos azer, kuando tenemos konfiensa en mozos mizmo, i kuando mos konosemos, muestra vida se inche de miraklos.

La vida es yena de sekretos. No puedemos saver de ande va vinir muestra salvasyon.

                  Si la persona kere veramente de aryento del korason una koza; si tyene una konfiensa grande en esto; estamos vyendo ke esto, se esta realizando.

Kale ser pozitivos, porke tener inyervos, enemistad, aborresimyento, u amistad, kerensya, entuzyasmo u kalmo; todo mos toka en primero a mozotros, i mos enfluensa en bueno u en malo. Pardonar al den frente, es akseptar las personas asegun son. Deshar lo pasado, es avrir lugar en muestra vida, a la kerensya i a los miraklos.

                  “La vida es un miraklo, ma los miraklos son los ke estan guadrados aryento de muestros korasones”.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

TÜNELİN UCU

TÜNELİN UCU

MOZOTROS AİLESİ

MOZOTROS AİLESİ