15 Nisan 2021 Perşembe 14:01
Beymen 5-20Nisan
Beymen 5-20Nisan

LA SHAKA ANTISEMITA DE MICHEAL CHE

Dora NİYEGO Judeo-Espanyol 1152 görüntüleme
3 Mart 2021 Çarşamba
En el 20 de Febrero, en su programa ‘Night Live Show’, Michael Che izo una shaka antisemita ke tuvo una grande reaksyon. ’Israel enformo ke vaksinaron la mitad de su populasyon, estamos supozando ke es la mitad judiya’ disho Che. Che izo un grande yerro ke va ogmantar el antisemitizmo.
Che resivyo munchas kritikas de la parte de los judyos ma los antisemites lo estuvyeron aplodisando.
Un tweet disho: "Michael Che izo una shaka antisemita antiisraelyena sovre la vaksina. Solo para verifikar los echos, kale akodrar ke Israel vaksino la mitad de su populasyon de sivdadinos israelyanos: arabos, judyos i kristyanos. Ke verguenza!"

Un otro tweet disho ‘Su shaka barata i sin razon izo mas muncho danyo ke la riza momantena".

Che deve de saver ke la relijyon no es un faktor en el plan de la vaksinasyon de Israel. La shaka de Che kritiko el komporto del governo israelyano a las personas no judiyas ke biven en los teritoryos palestinyanos. El primer ministro israelyano, Benjamin Netanyahu, disho ke no es la responsabilidad del payis de vaksinar las personas ke biven en los teritoryos palestinyanos.

Munchos kritikaron la shaka i la kalifikaron komo 'antisemita'. Segun la Liga Antidifamasyon (ADL) i las Nasyones Unidas, uvo grande diskusyon kuando los evenementos antisemitos pujaron el anyo ke pasimos. Munchos kritikos de la shaka de Che rekodraron la istoria del puevlo judyo a lakel echaron la kulpa por las muertes masivas i la propagasyon de la hazinura. Jonathan A. Greenblatt, direktor ejekutivo de ADL disho: "La shaka ofensiva sovre el proseso de vaksinasyon COVID-19 de Israel, no reusho del todo. Ademas, trespaso el limito bazando la shaka en grandes yerros, i enflamando el antisemitizmo.

En la Konferensya de los Prezidentes de las prensipales organizasyones judiyas de los Estados Unidos, disheron ke fue muy dolorozo ke esta shaka agresiva afito en un momento ke los evenementos antisemitos ke rezultaron kon muertes i ferridos, estan en niveles rekord.

La organizasyon izo referensya a la forma komo kulparon las komunidades judiyas por la epidemiya Covid 19. La deklarasyon kontinuo: "La shaka mal planada izo akodrar las mintiras i las akuzasyones medivales dizyendo ke los judyos son responsavles de las hazinuras i las plagas".

Gilad Erdan, ambasador de Israel en los Estados Unidos disho en un tweet ke la shaka fue "inyorante" i danjoroza, i lo yamo a Micheal Che a ekskuzarse de los judyos.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

TÜNELİN UCU

TÜNELİN UCU

MOZOTROS AİLESİ

MOZOTROS AİLESİ