16 Nisan 2021 Cuma 14:40
Beymen 5-20Nisan
Beymen 5-20Nisan

SAVER ES BUENO

Judeo-Espanyol 1252 görüntüleme
17 Şubat 2021 Çarşamba

Isak Eskinazi   

Kada anyo el diya 14 de Febrero, se selebra en Turkiya komo el diya de los amantes. En otros payizes komo el diya de un Santo kristyano ke se yamo Valentino.

 Este diya, las rozas se venden al doble del presyo normal, los amantes se regalan regalos diversos para amostrar ke no se olvidaron unos de los otros. Esta tradisyon empeso en la epoka de la reyna Victorya en Inglatierra komo en los finales del siglo 19 ama ya savemos ke el mez de Febrero fue syempre el mez de la selebrasyon del amor i de la kerensya.

Avlando de Valantio, su istorya esta un poko ennuvlado, porke uvo mas de uno ke se yamo Valentino. Unos dizen ke Valentino era un papaz de Roma del treser siglo. Kuando el emperador Claudius remarko ke los soldados solteros gerreyan mijor ke los kazados, dyo el orden de prohibir el kazamyento para los soldados. El papaz Valentino vyendo ke los soldados ke aman alguna ijika i ke no se pueden kazarsen, se azen muy malorozos, empeso a kazarlos en sekreto. Kuando se oyo esto, Claudius dyo el orden de egzekutir el papaz i esto fue lo ke se selebra komo diya de los amantes o diya de San Valentino.

Otros dizen ke Valentino no era de la sivdad de Roma ma ke era de la sivdad de Terni i komo obispo (Kardinal) fue matado por ser kristyano. Una tresera versión avla de otro Valentino ke se ennamoro de la ija del guardyan de la prizyon ande los kristyanos estavan maltratados. Komo ayudó a los kristyanos a fuyirsen de la prizyon, lo djuzgaron para matarlo i el diya de la egzekusyon, embiyo una letra a la ijika ke amava, dizyendo “De la parte de Tu Valentino”. Por esto este diya se yamo el diya de los Amantes o diya de San Valentino.

Komo lo mas de las selebrayones tradisyonales, i esta tiene una raíz de la epoka del paganizmo. La selebrayon pagana se yamava “Lupercalia”, ke se aziya el 15 de Febrero i ke era una selebrasyon al dyo Faunus, dyo de la agrikultura, a la fertilidad i a los kriyadores de Roma ke eran “Romus i Romulus”.

 Una koensidensya interesante es ke Tu Bishvat se selebra el 15 de Shevat i tiene su raíz en la selebrasyon de la Natura, de la Primavera, el primer diya del anyo de la agrikultura. Shevat en Turko es Shubat i Shubat es el mez de Febrero.

Lo importante es de amar la humanidad i la natura para deshar un mundo honorable a muestros

inyetos.


Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

TÜNELİN UCU

TÜNELİN UCU

MOZOTROS AİLESİ

MOZOTROS AİLESİ