19 Ocak 2021 Salı 08:41
2n14

Alaska Jewish Historical Museum i Sentro Kultural

El primer muzeo Judio fue inogurado en ANCHORAGE.

Esti SAUL Judeo-Espanyol 2697 görüntüleme
6 Ocak 2021 Çarşamba

Su primera ekspozision reflekta el rolo importante ke djugo ALASKA AIRLINES en el transporto de Judios Yemenites a Israel.

En la avyertura del vernisaje, Rabi Yosef Greenberg i su espoza Esther:

“El projekto lo realizo el Muzeo kon un grupo i se yamo ‘On The Wings Of Eagles’. Demostrimos komo los Judios partisiparon a la vida de Alaska. Se vijito i se apresio el esforso de los pilotes ke transportaron 49,000 Judios Yemenites, en 1949-1950.”

 

El Muzeo Istoriko Judio de Alaska avrio su ochena Gala Kultural Judia anual el 12 de Novembre de 2011, en el Hotel Captain Cook en Anchorage, Alaska. El tema era: ''Selebrando la Diversidad Kultural de Alaska”. La kontribusion Judia a la formasion de la Konstitusion, el Desvelopamiento Siviko i Ekonomiko de Alaska, en onorando a Victor Fischer i Patricia Wolf por sus lavoro en la formasion de “la Ultima Frontiera''.

Para obtener mas informasion, puedesh vijitar muestro sitio web Gala en www.alaskajewishgala.org.

El Muzeo Istoriko Judio de Alaska se establesio kon la mision de edukar al publiko sovre la istoria Judia nunka kontada de Alaska i las kontribusiones no rekonosidas asta agora de los rezidentes Judios de Alaska para el desvelopamiento del governo, del komersio i de los artes de Alaska desde los dias territoriales asta el prezente. El AJHM sulinya la kontribusion Judia a los derechos i la kultura de los nativos de Alaska, ansi ke la kontribusion umanitaria istorika de Alaska a la salvasion de refujiados Judios de paizes evropeos i arabos despues de la Segunda Gerra Mundial i durante el Olokosto i su relasion kon Alaska, sus sovrebivientes i libertadores.

Kon sus egzibisiones, konferensias publikas, dokumentarios i programes edukativos, la AJHM enkoraja al publiko a estar mas informado sovre la istoria i kultura Judia de Alaska i ayuda a estableser pontes kulturales ke sostienen la diversidad i la toleransia.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU