2 Mart 2021 Salı 01:58
vakko
vakko

LA EDUKASYON DE AL TIEMPO

Eliz GATENYO Judeo-Espanyol 1064 görüntüleme
6 Ocak 2021 Çarşamba

Ya devemos de oyir avlar de “Chapeyo de azno” ke metiyan anyos antes a los elevos de eskola ke no reushiyan en las lesones, para kastigarlos. Ke djeza terivle!

Deke i komo se ampeso a utilizar este chapeyo de azno?

Pensaron ke es para kastigar i para enkorajar. Todos pensamos ke este chapeyo es para kastigar el elevo, ma tanbien es para enkorajarlo porke en espantandose ke le van a meter este chapeyo, el elevo lavora mas muncho para reushir en las lesones. Ansina amostran ke el azno es siempre kaprichozo, inatchi i bovo. Ma no pensan ke komo kada bivo, i el azno tiene un karakter para si mizmo. Si, ya ay aznos inatchis me ay otros ke son muy obedientes i amavles.

Por esto dizen ke este animal, en los anyos antiguos fue referensya a su savidura por kavzos de la relijyon. En el tiempo de Jesus, el azno sirvio para su transporte i en vezes se kayento a su lado en las noches freskas. El azno fue konsiderado komo un animal pasensyozo.  Alora unos dizen ke este chapeyo fue metido ensima las kavesas de los elevos para darles las kualidades presiozas de los aznos. 

Este chapeyo de azno de enkorajamiento ke viniya de los anyos pasados, se developo en un aksesuar de arebashamiento i verguensa. I ya entendemos ke esto era un kastigo terrivle.

Los profesores puediyan azer alay kon este elevo “idioto” i lo arebashava delantre de la klasa o de la eskola entera. En vezes este povereto elevo deviya de vistir este chapeyo el diya entero i en vezes asigun la konsensya del profesor puediya ser mandado a su kaza kon este chapeyo en la kavesa. A los ke avlavan muncho en la klasa les metiyan una foto de una aluenga de vaka a la espalda. Ansina todos entendiyan ke era avlaston grande. Ya vos puedesh imajinar la travma de estos ijikos o ijikas.

Entre las djezas de antes aviya palo, estar aprezado en la klasa i este chapeyo de azno ke era fabrikado de papel por la parte del profesor. En el siglo 20, los Ministerios de Edukasyones trokaron estas djezas en eskrivir linyas i linyas de egzersizos, ojas yenas de konjugasyones de verbos i tablos de multiplikasyones.

Bueno ke agora estos palos i chapeyos i haftonas no egzisten mas. Mizmo el djeneransyo muestro tiene komido haftonas de los profesores. Me akodro ke mos davan dadas a las manos  kon las reglas.  

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU