21 Ocak 2021 Perşembe 04:25
2n14

LA PANDEMIA

Şeli GAON Judeo-Espanyol 2933 görüntüleme Sesli Dinle
2 Aralık 2020 Çarşamba

Keridos Lektores,

               Oy vos kero kontar lo ke me vino a la kavesa antes un mez i kero absolutamente ke tomemos leson de estos evenementos, solamente porke mos estamos komportando sin pensar a si mizmo i al den frente. Esto mos va kavzar grandes desgrasyas, peryitas i munchas penas…

Antes un mez me sinti un poko kon dolores en el puerpo i un poko de kayentura. Immediatemente me fui al ospital Acıbadem para azerme un test i malorozamente me salyo pozitif.

Kuando salyo la repuesta del test, el Presidente de la Komunita, İshak İbrahimzadeh me bushko al punto, no se komo lo supo immediatamente i komo organizo esto todo, me disho ke prapare unas dos kozas ke me esta embiyando el ambulans del ospital “Liv” i ke me va ir al ospital. Yo, no entendi la situasyon difisil ke me topo i ampesi a azer kaprisyos en dizyendole ke yo no me vo al ospital.

              Dingunos de mi famiya no me puediyan konvenserme, ni mis ijos, ni mi ermano,  porke despues ke peryi a mi marido (z"l) yo se ke kuando uno entra al ospital no puede salir de aya muy fasilamente.

Ma İshak İbrahimzadeh empeso a gritarme en dizyendome: “No ay lugar en los ospitales, yo te topi i tu te estas indo immediatemente” i me serro el telefon. No ay remedyo, vino el ambulans i me fui.

Una enfermiera me tomo para azerme un emar i me suvyo a la kamareta.

Entonses mi kayentura esta 38.5. Me dyeron kuras i serumes para abashar la kayentura…  El dia sigiente dos doktores i una enfermiera vinyeron a la kamareta vistidos komo astronotes, maskas i guantes, me tomaron sangre ocho tubes, me dyeron las kuras i se fueron. Esto kontinuo 12 dias ke estuve aya.

Entonses no esto puedyendo komer, solamente bevyendo agua, esto sureyo 12 dias. Sin fuersa echada komo una muerta, dingunos dia entero solo para mirar la kayentura, sola i aresekada. No ver luz de bivos i pensando kualo va ser.

Entonses empesi i a toser, kuras i kuras para entosegar…

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU