21 Nisan 2021 Çarşamba 22:46
Now Hair Time

VEZOT ABERAHA

Rav Yeuda ADONİ Judeo-Espanyol 2926 görüntüleme
7 Ekim 2020 Çarşamba

El Todo Poderozo le dize a Moshe Rabenu, ke ya arivo su ultimo tyempo de estar en este mundo, ke suva al Monte Avarim, ke se nombra tambien Ar Nevo, ke es enfrente de la sivdad Yeriho sovre los bodres de el Yarden, i ke veya de enfrente la tyerra de Kenaan ke el Todo Poderozo le dyo a el puevlo djudyo. Ayi topara fin su vida i ke su alma repoze kon sus padres. Entonses bendisho Moshe Rabenu a todo el puevlo a kada trivo aparte. Los akavido por la ultimo vez ke tomen a korason de guadrar i azer eyos i sus ijos i todo su jenerasion todas las palavras de la ley. Tanto los ke se entyenden kon la idea, tanto los ke no se entyenden i ke sepan por siguro ke es kon la fuersa de la ley santa solamente lo ke pueden sostenersen i alargar diyas, sovre la tyerra bendicha. Moshe Rabenu suvyo a el monte de Nevo, sigun el komando del Kriyador i le amostro el Todo Poderozo toda la tyerra de Kenaan i sus terminos i muryo ayi Moshe Rabenu, sovre orden de el Kriyador. Sigun la idea de el sinyor Rashi, el Kriyador mizmo El kon su onra lo enterro a Moshe Rabenu. Rabi Yishmael dize, Moshe Rabenu el mizmo se entero a si mizmo. El enterramyento de Moshe Rabenu fue en una mearo nombrada Gay, ninguno puede saver ke manera fue su enterramyento i onde es su tomba. En este mismo diya, el 7 adar se espartyo Moshe Rabenu de este mundo a la edad de 120 anyos, sin tener ninguna flakeza en su kuerpo, sus ojos no se eskuresyeron, i su freskor i la klaredad de sus fases no se demudo. 

Sea su nombrasyon bendicha, i su zehut nos mampere, Amen. 

        

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

TÜNELİN UCU

TÜNELİN UCU

MOZOTROS AİLESİ

MOZOTROS AİLESİ