19 Eylül 2020 Cumartesi 11:14

Shana Tova i Anyada Buena

Silvyo OVADYA Judeo-Espanyol 1507 görüntüleme
16 Eylül 2020 Çarşamba

La semana pasada eskrivi un artikolo reelmente muy enteresante. Ma el sujeto el mas emportante era la karta postal de la Deklarasyon de la Konstitusyon del 1908. Estava eskrito en 5 linguas. Ma komo no tenian bastante lugar en la gazeta, metieron la fotografia muy chika; i el lektor no pudo malorozamente entender lo ke kije eksplikar. A la otra vez va azer mas atensiyon si la fotografia es reelmente el elemento el mas emportante.

   Vos kero dizir “Shana Tova". Noche de Shabat vamos a fiestar la anyada mueva. Ya savesh ke en muestra komunidad se ogura la anyada mueva ayudando las ovras de bienfezensya i kulturalas (los anyos dalkavo). Ya puedesh embiyar un livro a vuestro amigo o paryentes telefonando al Şalom (0212 2318379); o este anyo puedesh embiyar el muevo CD/DVD de las Estreyikas d’Estambol telefonando al Sentro Sefardi d’Estanbol (0212 2404144) o puedesh telefonar al Muzeo Djudio (0212 2926333) para embiyar una karta por whatsapp felisitando el muevo anyo de vuestros amigos.

   El enverano se esta eskapando / se eskapo! ma todos estan dainda en las Adas i sin espanto. En el apartamento andeesto morando en enverano, i ande se topan 17 apartamentos – mos fuimos solo la fin de las semanas porke no era mos sano de tomar el motor kada diya. Ma kale achetar ke este enverano se eskapo kon poko danyo. Uvo unos kuantos kavzos de korona ke a mi aviso no fue muy emportante. En el empesijo del enverano munchos estavan pensando si devian de irsen a la Ada i a los Klobes. Ma despues de dos semanas disheron ke la Korona no vino a la Ada. Reelmente paresiya este modo.

   Ya oyimos ke en Israel empesando de la noche de Rosh Ashana (noche de Shabat) tres semanas los sivdadinos van a pueder salir solo a 500 metros de sus kazas. Es solo los supermarketes ke van a estar avyertos durante estas tres semanas. Espero ke esto va ser la fin de esta hazinura. El pais el mas reushido oy en diya esta en una negra situasyon. Reelmente Israel era el payis ke todos se estavan selando. Komo es posivle de vinir en un hal asemejante. Espero ke estas tres semanas van a ser la fin de esta desgrasya.

     En el Muzeo Djudio estamos realizando un proyekto azyendo reportajes kon personas ke bivyeron en diferentes kazales o sivdades ande no moran mas. Muestra amiga Elda ke bive un poko en Turkiya i un poko en Israel mos aviya prometido de azer unos kuantos reportajes kon un Diyarbakırlı i kon un Kilisli. Ma no fue kismet.

   Esto pensando ke vamos a pasar un invyerno muy difisil. I seran las aktividades kulturales ke van a dar vida a las personas. Ser el prezidente de una fundasyon ke se okupa de un muzeo sin vijitadores no es kolay.

   Todo muestra esperansa es ke los ombres de sensya topen el vaksino nesesaryo para la salvasyon de esta hazinura.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GS2

Tünelin Ucu İzel Rozental

Tünelin Ucu İzel Rozental