20 Eylül 2020 Pazar 22:40

ROSH ASHANA

Rav Yeuda ADONİ Judeo-Espanyol 2097 görüntüleme
16 Eylül 2020 Çarşamba

Estamos en los diyas ke selebramos, los diyas temerozos de Yamim Norayim. Rosh Ashana i Yom Kipur. Rosh Ashana, aniversaryo de la kreasyon de el mundo i tambyen de la kreasyon de el ombre. Ayom arat olam. Oy se kriyo el mundo. El Kriyador kriyo a el ombre, porke biva kon una kondukta buena porke el Kriyador sostenga a el mundo. Dunke el diya de Rosh Ashana, es un diya de djuzgo para el ombre, el dia kuando devemos de azer un egzamen de konsiensya, por todos los aktas de un anyo entero. Kuando el Kriyador iva krear a el mundo, los mahalim se opozaron i disheron a el Kriyador: Porke estas kreando a el ombre? Van a pekar i van a danyar a el mundo. Ansi responde el Kriyador: yo ya apareji la milizina, en kavzo ke van a pekar o reveyar. Kualo es esta milizina? La Teshuva, el aripintimyento. Komo dize Shelomo Ameleh: No egziste persona djusta en el mundo, ke toda la vida izo todo bueno i no tuvo ningun pekado. Estamos en los diyas de azer todo lo bueno, seya verso el Kriyador seya verso las personas. Ma devemos de orasyonar a el Santo bendicho El ke mos de un korason de pueder entender la grandeza i la valor de tornar en teshuva. Komo lo meldamos en la perasha NITSAVIM, la enkomendansa de la teshuva no esta leshos de ti ni de el bodre de la mar, ni en los syelos. No digas komo puedo ayegar a tomarla, sino ke muy serka de ti en tu boka i en tu korason. Kuando tanyamos Shofar en el Musaf de Rosh Ashana 6 vezes azemos una rogativa a el Kriyador. Oy si kriyo el mundo, oy esta en djuzgo el mundo, i todas las kriyansas o dyos: Komo gustas tu si keres konsideramos komo ijos tuyos si keres konsideramos komo esklavos tuyos. Si semos ijos tuyos apiyadate komo se apiada el padre verso sus ijos; si nos konsideras komo esklavos, nuestros ojos estan alsados verso la onra tuya asta ke te vas a piadarte de nozotros. O Dyo Santo! Nuestro djuzgo kita a luz. Los dos diyas de Rosh Ashana meldamos dos paragrafos de la perasha Vayera ke trato el nasimyento de nuestro avuelo Yitshak i la enkomendansa a Avraam Avinu de sakrifikasyon a Yitshak su ijo. Sovre este akto tanyemos el Shofar, el Shofar ke nos aze estremeser a todos i nos aze amblandar nuestras korasones a azer teshuva i a aserkarmos a el Shem Yitbarah.

 

TIHLE SHANA VEKILELOTEA 

TAHEL SHANA UVIRHOTEA

Ke enpese el anyo ko sus bendisyones. 

Mereshit shana vead aharit shana.   

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GS2

Tünelin Ucu İzel Rozental

Tünelin Ucu İzel Rozental