Ester Pando
Keridos Lektores,
Seya del tyempo pasado u seya de oy, sirvyeron al mundo muncho las personas de siensya seya la umanidad o seya la natura.
Relativamente kero nombrar a una mujer de siensya de eyos, la famosa fizika i kimista, personaje de siensya i savida Marie Curie, ke deskruvyo el konsepto de radyoaktividad i envento la siensya de radyolojiya en el anyo 1898.
Viniremos a oy, 2020, estamos un siglo mas adelantre, akontesyo una pandemia muy grande en el mundo entero, i la deskuvyerta de radyolojia oy en dia sirve muncho a los doktores para la pandemia Covid-19.
En rezumen, las personas de siensya tyenen partikolaridad. Eyos azen investigasiyones sovre los evenimyentos ke akontesen en el universo, bushkan los rezultados sistematikamente ke es muy importante.
Tenemos ke rengrasyar a todos los personajes ke se okupan de la siensya.
Vos auguro a todos diyas saludozos.
