Ralph Lauren ofrese $ 10 milyones para kombatir el virus corona

Metin DELEVİ Judeo-Espanyol Sesli Dinle
15 Nisan 2020 Çarşamba

Este Jueves, el famozo stilisto djudio amerikano deklaro ke su fundasyon va ofreser la suma de 10 milyones de dolares para luchar kontra la pandemiya de Covid19 ke enfrenta el mundo.

Esta suma se va repartir entre varias organizasyones de ovras voluntaryas de ayudo, inkluzo el Fondo de Solidaridad para Kombatir COVID-19 de la Organizasyon Mundial de la Salud, ke asegura apoyo a los paizes ke luchan kontra la pandemiya.

“Para enfrontar djuntos esta lucha global, la Fundasyon Ralph Lauren esta prometyendo $10 milyones para ayudar a muestros ekipos i komunidades en todo el mundo.”

Un verdadero djigante de la moda enternasyonal, Ralph Lauren nasyo en Bronx en Nueva York de komo el ijo de una famiya djudia rusos: Frank i Frida Lifschitz.

El stilisto tanbyen disho, para afrontar este desafiyo komo komunidad global, esperamos kontinuar syendo el sentro del optimizmo i la unidad ke Ralph Lauren i muestras markas syempre tuvyeron en todo el mundo. Kreyemos ke todos estamos konektados, sin importansa ken sos o de ande sos.”

La firma tanbyen empeso a produzir 250 mil maskas i 25 mil prostelas sterilas de izolasyon para los lavorantes de la salud.

 

 

Siz de yorumunuzu yapın

Tüm Yorumları Görün