1 Aralık 2020 Salı 08:54

El 27 de Enero es el dia de memoria de las viktimas del Nazismo, del Olokosto…

Metin DELEVİ Judeo-Espanyol 2002 görüntüleme
29 Ocak 2020 Çarşamba

Devemos de akodrar i azer akodrar de este kavzo, ke se finalizo kon 11 milyones de viktimas entre eyos 6 milyones de djudios, para luchar kontra el antisemitizmo i el rasizmo.

Devemos de saver ke el antisemitizmo es una de las formas ekstremas del rasizmo ma ay otras formas de rasizmo i devemos de luchar kon todo modo forma del rasizmo. 

Para empesar, para los ke no konesen, Peanuts es una seriya de novelas de personajes animados kreado de la parte de Charles M. Schulz. Los karakteres los mas konosidos son el perro Snoopy i su amigo Charlie Brown i la banda de Peanuts. La istorya ke empeso en los anyos 1950, fue filmado en los anyos sigyentes.

La maestra de eskola djudia detras del primer personaje preto de “Peanuts”

En Avril de 1968, una maestra djudia ke se yamava Harriet Glickman se asento a la meza de su kozina i eskrivyo una letra al ombre detras de los karakteres animados favoritos de los Estados Unidos, el inventor de los Peanuts, Charles Schulz. Eya le eskrivyo komo eya se aviya emosyonada i ajitada profundamente del asasinato del Dr. Martin Luther King, Jr. i ke Schulz teniya una oportunidad unika para ayudar a reparar la sosyedad divizada de los Estados Unidos: inkluyir un personaje preto a la banda tanto amada.

Schulz respondyo imedyatamente ke le plazyo muncho la idea, ma ke pensava ke azerlo iva sinyifikar patronarse de los afro-amerikanos. Ma Glickman no desho la kola i ensistyo. Ija de imigrantes djudios rusos ke aviyan sufriyido del aborresimyento i del antisemitizmo, se sintyo ke el aktivizmo sovre este sujeto era su dever. Tambyen izo lo ke izo, konvensyo a unos kuantos de sus amigos pretos para eskrivir a Schulz, dizyendo ke aviya una verdadera nesesidad de integrasyon de los pretos en la kultura pop.

Schulz se konvinsyo i se inspiro de la idea. Ma syertos de sus editores no estavan tan kontentes. A la fin, Schulz paso su ultimatum al prezidente de United Features, el editor de Peanuts, Larry Rutman, “O lo imprimas tal komo lo desini o demisyono. Agora tu me vas a responder.”

I ansí, el 31 de Julio de 1968, Franklin Armstrong izo su aparisyon komo el primer personaje de las minoridades a apareser en una banda desinada. No uvo ni una eksplikasyon ni una entroduksyon grandiosa, simplemente se aserko a Charlie Brown en la plaj i le demando: “Esto es tu bala de plaj?” I ansi Franklin entro a la banda de Peanuts.

Un muevo amigo amigavle en una vieja banda de amigos. Esto es lo ke los Estados Unidos i los Peanuts i la umanidad  nesesitavan ver.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Mozotros Ailesi-İrvin MANDEL

Mozotros Ailesi-İrvin MANDEL

Tünelin Ucu-İzel ROZENTAL

Tünelin Ucu-İzel ROZENTAL