6 Ağustos 2020 Perşembe 15:45

El 30 de Novembre es diya de komemorasyon de los refujiyados djudios ekspulsados de los paises arabos i de Iran

Metin DELEVİ Judeo-Espanyol 1192 görüntüleme
4 Aralık 2019 Çarşamba

A esta okazyon kije eskrivir sovre un kavzo: La Operasyon Tapet Majiko

Kaji una dekada antes, el Wall Street Journal informo sovre la partisipasyon del governo de los Estados Unidos en una misyon ke trusho aproksimadamente 100 djudios de Yemen a los Estados Unidos, un poko mas de la mitad de la povlasyon djudia ke aviya kedado ayi. Malgrado ke el prezidente de Yemen, Ali Abdullah Saleh, kijo protejar este chiko resto de una komunidad, el deskontento engrandesyendo lo izo kaji imposivle. La violensia direkto kontra los djudios  aviya pujado i vinido a un limite insuportavle.

Se puede dizir ke esta misyon era la faza final de la “Operasyon Tapet Majiko”, ke aviya empesado en el enverano de 1949 ...

La istorya de los djudios de Yemen empeso munchos siglos antes de la yegada del Islam a estas tierras. Ma, kuando Yemen se izo un pais musulmano, en el empesijo del siglo X, los djudios se izyeron forsamente sivdadinos de segunda klasa sin derechos. La persekusyon i las konversyones forsadas en jeneral fueron aprovados por el governo (a la eksepsiyon durante el período de la soveranedad otomana, 1872-1918).

Despues ke la Organizasyon de las Nasyones Unidos voto i desidyo de divizar la Palestina entre los djudios i arabos en 1947, egzaktamente en el 29 Novembre de 1947, los atakos antisemitas se izyeron kavzos koryentes. Ma milagrozamente, el Imam de Yemen permityo a los djudios de salir del pais i emigrar. Entre Junyo de 1949 i Septembre de 1950, aproksimadamente 49,000 djudios fueron transportados en 380 bolos de avyon sekretos a Israel. Estos bolos no se izyeron publikos ke despues de unos kuantos mezes despues de la operasyon.

La “Operasyon Tapet Majiko”, komo se konosyo (azyendo aluzyon a la istorya del Tapet Bolando), fue un shok kultural para la mayoría de los djudios yemenitas. Munchos biviyan en Yemen sin elektrisidad ni agua koryente, nunka se aviyan asentado en los mobles i siyas i por seguro nunka aviyan visto o imajinado un avion. I sovre lo ke fue kontado, munchos tuvieron de ser konvensidos despues de oras de avlar de ke los avyones eran seguros (a fuersa de repetar los versos bíblikos ke se referan al fakto ke en los tyempos mesianikos se van a bolar en las “alas de los agilas” - Egzodo 19:4, “Vozotros vitesh muy byen dize el Kriyador lo ke ize a los Ejipsyanos i komo vos trushe asta aki. Kon muncha siguridad en las alas de las agilas” i Isaiah 40:31, “Los que esperan en el Senyor del Mundo renovaran sus fuerzas; se bolaran kon alas komo las agilas, van a koryer i no sevan kansar, kaminaran i no se kansaran”).

Tomo un grande esforso de la parte de los yemenitas asimilarse al mundo moderno. Oy, malgrado todos los impedimyentos, la komunidad yemenita es una parte integral de la komunidad djudia en Israel i del mundo.

La “Operasyon Tapet Majiko” empeso el 8 de Novembre de 1949, ke koresponde al 16 de Heshvan.

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

gazete sayfası

Tünelin Ucu-İzel ROZENTAL

Tünelin Ucu-İzel ROZENTAL