26 Eylül 2020 Cumartesi 03:56

Kantikas de kuna

Dora NİYEGO Judeo-Espanyol 1795 görüntüleme
21 Kasım 2018 Çarşamba

 1 - Beja

Pasi por una kaleja

Me kayo una teja

Ensima la seja

Me se burako la seja

Fui al Doktor Beja

Me dio papas de lenteja

Kon esto s’eskapa la konseja

 

2- Chiko miniko

Rey del aniyiko

Alto i vano

Eskrivano

Rey de la mano.

Uno kere pan, Uno kere kezo

Uno kere leche , Uno kere karne

Uno kere irse onde la nona

I se va, por aki...

por aki... por aki.

 

3- El sol briya en mi ventana

Las solombras baylan

Los pasharos djugan afuera

I sus kantes kantan

Ora de despertar, ora de despertar

Ora de aferrar el dia!

Ora de despertar, ora de despertar

Es un muevo dia!

 

 

4 - Durme, durme ermozo ijiko,

Durme, durme sin ansia ni dolor,

Serra tus lindos ojikos,

Durme kon savor.

 

5 - De las fashas saliras,

A la eskola te iras,

I ayi mi kerido ijiko,

Alef-Bet ambezaras.

De la eskola saliras,

A la plasa te iras,

I ayi mi kerido ijiko,

Merkansiya ambezaras.

De la plasa saliras,

Al estudyo te iras,

I ayi mi kerido ijiko,

Doktoriko saliras.

 

6 - Yo pasi por un kampiko

Vide un pashariko

Ke kantava

Ke baylava

Ke diziya

Chin chin chin

Chelebon

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR