Mişpatim

Rav Yeuda ADONİ Köşe Yazısı
15 Şubat 2012 Çarşamba

espues ke meldimos en la perasha de Yitro los dyes komandamyentos, en la perasha de Mishpatim meldamos ke el Kriyador le enkomenda a Moshe Rabenu, munchas enkomendansas por enbezar a el puevlo cudyo. La perasha enpesa kon el verseto: “ i estos son los cuisyos ke ordenaras delantre de eyos.” Leyes ke vana realizar la pas la ermandad, la unyon entre las personas unas kon otras. En este kapitolo de la Tora vemos ke el Kriyador no admete el esklavaje. Si alguno le kavzo algun danyo moral o materyal a su konpanyero la manera de pagarsela tambien meldamos leyes omanas ke el todo poderozo demanda de nozotros. Komo esta dicho “al peligrino no apretes por ke vozotros savesh la alma del peligrino, por ke pelgrino fuitesh en la tyara de ayifto”  Meldamos las tres fyestas, Pesah Savuot i Sukot ke se deviya vijitar el santuvaryo.

El Kriyador promete ke si vamos a ovedeser todas sus enkomendansas, el va estar en nuestro ayudo por kumplir todos nuestros menesteres. Moshe Rabenu abasha de el monte o ke mizmo diya, i les dize a el puevlo todas las palavras ke le avlo el Todo poderozo. Las Leyes, i cuisyos ke le ordeno i lo eskrivyo todo Moshe Rabenu en el Livro.

Estando en el monte, le enkomenda el Kriyador a Moshe Rabenu ke suvan al monte, Aaron su ermano nadav i avia sus ijos, 70 savyos de el puevlo cudyo. Ke se enkorven de Lechos a las onra de Dyos. A la manyana izo Moshe el Komando del Kriyador. Meldo delantre el puevlo el livro Ke eskrivyo, i la alians Ke izo el Kriyador kon eyos. Todos a una boz akseptaron kon plazer a ovedeser las komandos de Dyo i suvyo kon el Aaron Nadav i Aviu i 70 savyos, i se enkarzaron  enfrente el monte de leshos i Moshe Rabenu suvyo a la del monte sigun enkomendo el Kriyador. Ai le dyo 2 tavlas eskritas las 10 Komandamyentos, i ai le enbezo todas las enkomendansas ke el envelunto de enkomendar a el puevlo. Moshe Rabenu antes de vinir a la punta de el monte, enkomendo a los savyos de esperarlo enfrente del monte ,i nomino a Aaron i a Hur por okuparsen kon las problemas de el puevlo. Moshe Rabenu suvyo a el monte de Sinay i estuva ai 40 diyas i 40 noches.