Emor

Rav Yeuda ADONİ Köşe Yazısı
6 Mayıs 2009 Çarşamba

La peraşa Emor nos enbeza la enkomendansa, de santefikar el nombre del Kriyador “Kiduş Aşem” komo esta diço no esbivleş el nombre de mi santedad i sere santefikado entre los ijos de İsrael. Esta Mitsva es una enkomendansa ke devemos afimarla todos en kada momento. Sigun Arambam tener la Kreyensa la fey, enel şemyitbarah es santefikarlo su nombre.

En la bibliya meldamos Hananya, Mişael i Azarya ke fueron eçados a el fuego por el nombre grande del Kriydor, i fueron salvados kon los milagros ke izo el Kriyador.

La peraşa trata por la santedad de los Koanim ke no se deven enkonarsen en ninguna manera. El puevlo deven de onaror i santefikar a los Koanim komo dize en la alaha de suvir primer a la Tora, i kuando teniyamos nuestro santuvaryo de aregalarlos kon los primeros frutos de lasguertos i orejas.

El Koen Gadol deviya ser amigo i ermano de todo İsrael.

La peraşa trata tambien tokante las fyertas cudiyas. Por el diya de Kipur dize. El diya de Kipur es diya de perdonansa por el puevlo cudyo. Dizen nuestros savyos. Akeya persona ke dize pekare i tornar en teşuva, i lo repeta munças vezes, a pensa a peko I dize diya de Kipur ya va ser perdonado. El Kriyador no perdona a akeyas personas ke pensar ansi.Los pekados ke aze la persona verso el Kriyador en tornando en teşuva senseramente es perdonado. Pero por los yerros ke fueron eços verso las personas sino no se afalaga i se demanda pordon de la persona ke semos kulpavles, el Kriyador no perdona. Tokante a la fyesta de Sukot dize el verseto en las Sukot deveş asentar syete diyas. En sukot la kaza deve ser provizguar i la suka deve  ser la kaza. Lo ke nos enbeza este kapitolo es por ke konoskan tus ijos, en las kavanyas (suka los ize morar a los ijos de İsrael. İ avlo Moşe i ekspliko las fyestas. Moşe Rabenu ekspliko kada fyesta i fyesta i de aki nos enbezamos ke se deve de repetar i avlar las reglas, la estorya, i los kustumbres (uzos) de kada fyesta en su tyempo.

La peraşa avla tambien por la enkomendansa de Sefirat aomer Kontar Omer. Los kuarenta i mueve diyas ke son las syete semanas ke kontamas de el segundo diya de pesah asta la fyesta de ?avuot.

Los Koanim son los ke aserkan a el puevlo verso el Kriyador mezo los Korbanot los sakrifisyos enaltesen a el puevlo de ‹srael a un estado alto. El dover de los Koanim en el tyempo ke egzistiya el santuvaryo era tambien de edukar a el puevlo i arelumbrar a el puevlo kon a luz de la Tora.